ຣຽວ ມາດຣິດ ມອບລາງວັນງາມດ້ວຍການຕໍ່ສັນຍາ ລູກາ ໂມດຣິດ ເພີ່ມອີກ 1 ປ

ຣຽວ ມາດຣິດ ມອບລາງວັນໃຫ້ ລູກາ ໂມດຣິດ ກອງກາງປະສົບການຫລາຍທີມຊາດໂຄຣເອເຊຍ ດ້ວຍການຂະຫຍາຍສັນ ຍາເພີ່ມໄປອີກ 1 ລະດູການຮຽບຮ້ອຍ ຫລັງນັກເຕະຍັງສະແດງຜົນງານໄດ້ດີ ແລະ ເປັນກຳລັງຫລັກຂອງຕົ້ນສັງກັດໃນຂະນະນີ້.

ຕາມສັນຍາເກ່ົາ ໂມດຣິດ ອາຍຸ 36 ປີ ຕ້ອງຫມົດສັນຍາກັບຕົ້ນສັງກັດຕັ້ງແຕ່ລະດູການຫລ້າສຸດ ແຕ່ລາວຍັງຄົງມີຜົນງານການ ຫລິ້ນທີ່ດີ ລົງຫລິ້ນໃຫ້ຕົ້ນສັງກັດ 45 ນັດລວມທຸກລາຍການຕະຫລອດລະດູການ ຍິງໄປ 3 ປະຕູ ຈ່າຍໃຫ້ຫມູ່ຍິງອີກ 12 ປະຕູ ຊ່ວຍທີມຄວ້າແຊ໊ມ ລາ ລີກາ ແລະ ຢູຟາ ແຊ໊ມປຽນລີກ.

ດ້ວຍເຫດນີ້ ຣຽວ ມາດຣິດ ຈຶ່ງມອບລາງວັນໃຫ້ ໂມດຣິດ ດ້ວຍສັນຍາໃຫມ່ ໂດຍເປີດເຜີຍໃຫ້ຖະແຫລງການວ່າ : ‘‘ ຣຽວ ມາດຣິດ ແລະ ລູກາ ໂມດຣິດ ບັນລຸຂໍ້ຕົກລົງສັນຍາໃຫມ່ໄປຈົນເຖິງວັນທີ 30 ມິຖຸນາ ປີ 2023 ’’.

ທັງນີ້ ໂມດຣິດ ຍ້າຍຈາກ ທັອດແນມ ຮັອດສະເປີ ຍອດທີມພຣີເມຍລີກ ອັງກິດ ມາຢູ່ກັບ ຣຽວ ມາດຣິດ ຕັ້ງແຕ່ປີ 2012 ເທົ່າກັບວ່າ ນັກເຕະລາຍນີ້ໃຊ້ຊີວິດກັບ ຣາຊັນຊຸດຂາວ ຄົບ 10 ປີຮຽບຮ້ອຍແລ້ວ.