ໂຣນັລໂດ ຍິ່ງໃຫຍ່ເປັນຕຳນານ ຄວ້າລາງວັນນັກເຕະດີເດັ່ນແຫ່ງປີຂອງ ແມນຢູ ເປັນສະໄໝທີ 4
ຄຣິສຕຽນໂນ ໂຣນັລໂດ ດາວຍິງປະສົບການຫລາຍຂອງ ແມນເຊສເຕີ ຢູໄນເຕັດ ຍັງສຸດຍອດຄືເກ່ົາ ເມື່ອຄວ້າລາງ ວັນນັກເຕະດີເດ່ັນແຫ່ງປີຂອງ ແມນເຊສເຕີ ຢູໄນເຕັດ ໄປຄອງເປັນສະໄຫມທີ 4 ຫລັງສ້າງຜົນງານໄດ້ຢ່າງສຸດຍອດ ໃນລະດູການຜ່ານມາ.
ຄຣິສຕຽນໂນ ໂຣນັລໂດ ສຸດຍອດດາວຍິງຊາວໂປຣຕຸເກສ ຕອກຢຳ້ຄວາມສຸກຍອດອີກເທື່ອຫນຶ່ງ ເມື່ອຄວ້າແຊ໊ມລາງວັນນັກ ເຕະດີເດ່ັນແຫ່ງປີຂອງ ແມນເຊສເຕີ ຢູໄນເຕັດ ຫລື ເຊີ ແມັດ ບັສບີ ເພລເຢີ ອອຟ ເດິ ເຢຍ ປະຈຳລະດູການ 2021/22 ໄປຄອງໄດ້ສຳເລັດ.
ໂຣນັລໂດ ເຊິ່ງເຄີຍຄວ້າລາງວັນນີ້ໄປຄອງໄດ້ 3 ສະໄຫມເມື່ອລະດູການ 2003/04, 2006/07 ແລະ 2007/08 ສ້າງຜົນງານໃຫ້ ຕົ້ນສັງກັດໄດ້ຢ່າງດີເດ່ັນໃນລະດູການນີ້ ໂດຍຍິງໄປເຖິງ 24 ປະຕູຈາກການລົງສະຫນາມ 39 ນັດລວມທຸກລາຍການ ເຊິ່ງ 18 ປະຕູເກີດຂຶ້ນໃນພຣີເມຍລີກ ແລະ ເຮັດໃຫ້ ໂຣນັລໂດ ຄອງອັນດັບ 3 ໃນທຳນຽບດາວຍິງສູງສຸດຂອງລີກອັງກິດ ໂດຍເປັນຮອງພຽງ ໂມຮາເຫມັດ ຊາລາ ແລະ ຊົນ ເຮືອງ ມິນ ທີ່ຄອງເກີບຄຳຮ່ວມກັບຜົນງານ 23 ປະຕູເທົ່ານັ້ນ.
ສຳລັບການຄວ້າລາງວັນດັ່ງກ່າວ ເຊິ່ງຕັດສິນຜູ້ໄດ້ຮັບລາງວັນຈາກການລົງຄະແນນສຽງຂອງແຟນບານຜ່ານ ທາງເວັບ ໄຊສະໂມສອນ manutd.com ແລະຜ່ານແອບຂອງແມນເຊສເຕີ ຢູໄນເຕັດ ໃນຄັ້ງນີ້ເຮັດໃຫ້ ໂຣນັລໂດ ກາຍເປັນນັກເຕະ ທີ່ຄວ້າລາງວັນນີ້ໄປຄອງໄດ້ຫລາຍທີ່ສຸດເຖິງ 4 ສະໄຫມ ທຽບເທົ່າກັບ ດາບິດ ເດ ເຄອາ ຜູ້ຮັກສາປະຕູມືກາວຊາວສະເປນ.
