ປິດສາກ 8 ປີເຄິ່ງ, ມາຕາ ອຳລາແມນຢູຫລັງຫມົດສັນຍາລະດູການນີ້

ແມນເຊສເຕີ ຢູໄນເຕັດ ຢືນຢັນວ່າ ຂວນ ມາຕາ ກອງຫນ້າປະສົບການຫລາຍຈະອຳລາສະໂມສອນໃນໄລຍະລະດູການນີ້ ຫລັງຫມົດສັນຍາ ພ້ອມປິດສາກໄລຍະເວລາ 8 ປີເຄິ່ງກັບ ແມນຢູ.

ສຳລັບ ມາຕາ ຍ້າຍມາຈາກ ເຊລຊີ ມາຢູ່ກັບ ແມນເຊສເຕີ ຢູໄນເຕັດ ເມື່ອປີ 2014 ເຊິ່ງລາວກໍສະແດງຜົນງານໄດ້ຫນ້າປະ ທັບໃຈຈາກການຍິງ 51 ປະຕູຈາກການລົງສະຫນາມ 285 ນັດ ລວມທຸກລາຍການ ພ້ອມພາທີມຄວ້າແຊ໊ມໄດ້ 4 ລາຍການ ປະກອບດ້ວຍ ເອັຟເອ ຄັບ, ອີເອຟແອລ ຄັບ, ເອັຟເອ ຄອມມູນີຕີ ຊິລ ແລະ ຢູຟາ ຢູໂຣປາ ລີກ.

ແນວໃດກໍຕາມ ສັຍາຂອງນັກເຕະອາຍຸ 34 ປີກັບ ແມນຢູ ຈະຫມົດລົງໃນໄລຍະລະດູການນີ້ ແລະ ຄາດວ່າ ມາຕາ ຈະບໍ່ຂະຫຍາຍ ສັນຍາອອກໄປ.

ຈົນຫລ້າສຸດ ສະໂມສອນ ແມນເຊສເຕີ ຢູໄນເຕັດ ໄດ້ຖະແຫລງຜ່ານເວັບໄຊທາາງການວ່າ ຂວນ ມາຕາ ຈະຍ້າຍອອກຈາກທີມຫລັງ ຫມົດສັນຍາແບບບໍ່ມີຄ່າຕົວ ພ້ອມເປັນນັກເຕະຄົນທີ 3 ໃນໄລຍະ 2 ວັນທີ່ມີການຢືນຢັນວ່າຈະອຳລາທີມຕໍ່ຈາກ ປອລ ປັອກບາ ແລະ ເຈສຊີ ລິນກາດ.