ໂຮງງານຜະລິດເບຍ ແບບພື້ນຖານ ຢູ່ທ້ອງຖິ່ນ ໃນ ສິງກະໂປ ໄດ້ຜະລິດເບຍທີ່ເຮັດດ້ວຍນໍ້າປັດຊະວະ

ສຳນັກຂ່າວ BBC ແລະ NDTV ລາຍງານເມື່ອວັນທີ່ 30 ພຶດສະພາ 2022 ຜ່ານມາວ່າ: ໂຮງງານຜະລິດເບຍ ແບບພື້ນຖານ ຢູ່ທ້ອງຖິ່ນ ໃນ ສິງກະໂປ ໄດ້ຜະລິດເບຍຊະນິດໃໝ່ອອກສູ່ສັງຄົມ ທີ່ມີຊື່ວ່າ NewBrew ຊຶ່ງເຮັດດ້ວຍນໍ້າປັດສະວະ ແລະ ນໍ້າເສຍ ປະສົມກັບນໍ້າທີ່ເອີ້ນວ່ານໍ້າໃໝ່ (Newater) 95%, ເບຍຊະນິດນີ້ມີຣົດຊາດກິ່ນຫອມຄືກັບນໍ້າຫົວເຜິ້ງ ແລະ ຮັບປະກັນຫຼັກສຸຂະອະນາໄມ 100%.

ໜັງສືພິມ StraitsTimes ໃຫ້ຮູ້ອີກວ່າ: ອົງການສະໜອງນໍ້າແຫ່ງຊາດ PUB ແລະ ໂຮງງານຜະລິດເບຍແບບພື້ນຍ້ານໃນທ້ອງຖິ່ນ Brewerkz ໄດ້ຈຳໜ່າຍເບຍຊະນິດໃໝ່ນີ້ຢ່າງເປັນທາງການໃນວັນທີ່ 8 ເມສາທີ່ຜ່ານມາ ຊຶ່ງກົງກັບວັນນໍ້າສາກົນຂອງສິງກະໂປ(SIWW).

ພາຍຫຼັງມີການຈຳໜ່າຍເບຍຊະນິດດັ່ງກ່າວສັງຄົມໂຊຊ່ຽວໄດ້ສະທ້ອນຄວາມຄິດເຫັນໃນແງ່ມູມທີ່ແຕກຕ່າງກັນຢ່າງມາກມາຍ, ມີທັງແງ່ດີສ້າງສັນ ແລະ ແງ່ລົບ.