ແມນຢູ ປະກາດ ປັອກບາ ໝົດສັນຍາ ກຽມຍ້າຍຟຣີອີກຄັ້ງໃນເດືອນມິຖຸນານີ້

ແມນເຊັສເຕີ ຢູໄນເຕັດ ປະກາດວ່າ ພອລ ປັອກບາ ກອງກາງທີມຊາດຝຣັ່ງ ກຽມຍ້າຍອອກຈາກສະໂມສອນແບບບໍ່ມີຄ່າຕົວ. ຫຼັງຈາກສັນຍາຈະຫມົດລົງໃນທ້າຍເດືອນມິຖຸນານີ້

ປັອກບາ ເຄີຍເປັນເດັກຝຶກຢູ່ໃນສະໂມສອນຂອງ ຜີສາດແດງ ຕັ້ງແຕ່ປີ 2009 ກ່ອນຈະຂຶ້ນຮ່ວມທີມຊຸດໃຫຍ່ເປັນຄັ້ງທຳອິດໃນປີ 2011, ແຕ່ຫຼັງຈົບລະດູການ 2011-12 ເຂົາໄດ້ຕັດສິນໃຈບໍ່ຕໍ່ສັນຍາ ແລະ ຍ້າຍໄປຮ່ວມທັບ ຢູເວນຕູສ ໂດຍບໍ່ມີຄ່າຕົວ

4 ປີຕໍ່ມາ, ແມນເຊັສເຕີ ຢູໄນເຕັດ ຊື້ຕົວ ປັອກບາ ກັບມາຮ່ວມທີມອີກຄັ້ງດ້ວຍຄ່າຕົວສະຖິຕິໂລກ 89 ລ້ານປອນໃນປີ 2016 ແລະ ຊ່ວຍໃຫ້ພວກເຂົາຄວ້າແຊ້ມລີກ ຄັບ ແລະ ຢູໂຣປາລີກ ໃນລະດູການທຳອິດທີ່ກັບມາຮ່ອມທີມ

ຢ່າງໃດກໍ່ຕາມ, ການເຈລະຈາສັນຍາສະບັບໃຫມ່ບໍ່ປະສົບຜົນສໍາເລັດ. ດັ່ງນັ້ນ ໃນທ້າຍລະດູການ 2021-22, ປັອກບາ ຈະຍ້າຍອອກຈາກ ໂອແທັບຟອດ ແບບບໍ່ມີຄ່າຕົວອີກຄັ້ງ ຊ້ຳຮອຍເມື່ອ 10 ປີກ່ອນ, ໂດຍຍັງບໍ່ໍຊັດເຈນວ່າສະຖານີຕໍ່ໄປຂອງເຂົາແມ່ນທີມໃດ.