ບ້ານໂພນໄຊ ຄວ້າແຊ໊ມຊ່ວງເຮືອປະເພນີ ປະຈຳປີ 2017 ທີ່ເມືອງນ້ຳບາກ

ເຮືອຍາວປະເພນີ ບ້ານ ໂພນໄຊ ຄອງແຊ໊ມການແຂ່ງ ຂັນເຮືອຊ່ວງປະເພນີ ນ່ານນ້ຳ ເມືອງນ້ຳບາກ ປະຈຳປີ 2017 ໃນວັນທີ 7 ສິງຫາ ຜ່ານມາ ທ່ີເມືອງນ້ຳບາກ ໂດຍໃຫ້ກຽດເຂົ້າຮ່ວມ ແລະ ມອບລາງວັນຂອງ ທ່ານ ຄຳ ຂັນ ຈັນທະວີສຸກ ເຈົ້າແຂວງ ຫຼວງພະບາງ ແລະ ທ່ານ ສົມພອນ ສີອຸດົມພັນ ເຈົ້າ ເມືອງນ້ຳບາກ, ມີບັນດາເຈົ້າ ເມືອງ, ຫົວໜ້າ-ຮອງຫົວໜ້າ ພະແນກ, ການນຳຂອງເມືອງ ຕະຫຼອດຮອດປະຊາຊົນ ແຂກ ທັງພາຍໃນ ແລະ ຕ່າງປະເທດ ເຂົ້າຮ່ວມຢ່າງຫຼວງຫຼາຍ.
ໂອກາດນີ້ ທ່ານ ສົມພອນ ສີອຸດົມພັນ ເຈົ້າເມືອງນ້ຳບາກ ກໍໄດກ່າວເປີດງານແຂ່ງຂັນ ຊ່ວງເຮືອປະຈຳປີ 2017 ໃນ ງານວ່າ: ປີນີ້ມີເຮືອເຂົ້າຮ່ວມ ທັງໝົດ 13 ລຳ ແບ່ງເປັນ 2 ປະເພດຄື: ປະເພດເຮືອປະເພນີ​ ຫຼື ເຮືອກູນ 6 ລຳ ແລະ ປະ ເພດເຮືອສູດ ຫຼື ເຮືອປັບແຕ່ງ ສະພາບ 7 ລຳ. ເຊິ່ແຕ່ລະສາຍ ແມ່ນແຂ່ງແບບພົບກັນໝົດ ຂອງແຕ່ລະສາຍ ແລະ ມີຄັ້ງ ການແຂ່ງຂັນຕ່ຳສຸດ 23, ສູງ ສຸດ 36 ຮອບ ໃນນັ້ນປະກອບ ມີ 4 ສາຍຄື: ເຮືອປະເພນີ ສາຍ A ມີ: ບ້ານຟ້າ, ນ້ຳງາ ແລະ ບ້ານລີ່, ສາຍ B ມີ: ກຸ່ມພັດທະ ນານ້ຳຖ້ວມ, ກຸ່ມນ້ຳງາ ແລະ ບ້ານໂພນໄຊ. ຫຼັງຈາກນັ້ນ ທ່ານເຈົ້າແຂວງ ແລະ ບັນດາ ເຈົ້າເທືອງ, ຫົວໜ້າພະແນກ ແລະ ຫ້ອງການ ພ້ອມກັນ ປ່ອຍປາລົງສູ່ແມ່ນ້ຳບາກ ເພື່ອ ລະນຶກເຖິງວັນອະນຸລັກສັດນ້ຳ-ສັດປ່າ.
ຜ່ານການແຂ່ງຂັນດ້ວຍບັນຍາກາດເບີກບານມ່ວນຊື່ນປາກົດວ່າ: ປະເພດເຮືອປະເພ ນີ ບ້ານ ໂພນໄຊ ສາມາດຄອງ ແຊ໊ມ ພ້ອມທັງໄດ້ຮັບເງິນສົດ 4 ລ້ານກີບ ພ້ອມຂັນເງິນ 1 ໜ່ວຍ 500 ກິໂລກຣາມ, ທີ 2 ບ້ານລີ່ ໄດ້ຮັບເງິນສົດ 3.5 ລ້ານກີບ ພ້ອມຂັນ 1 ໜ່ວຍ 250 ກິໂລກຣາມ, ທີ 3 ບ້ານ ໂຄ້ງ ໄດ້ຮັບເງິນສົດ 3 ລ້ານ ກີບ ພ້ອມຂັນ 1 ໜ່ວຍ 250 ກິໂລກຣາມ, ທີ 4 ບ້ານນ້ຳງາ ຮັບເງິນສົດ 2.7 ລ້ານກີບ, ທີ 5 ບ້ານນ້ຳລາ ຮັບເງິນສົດ 2.3 ລ້ານກີບ, ທີ 6 ບ້ານຟ້າ 2 ລ້ານກີບ. ສ່ວນປະເພດເຮືອ ສູດ ທີ 1 ເມືອງຊຽງເງິນ ໄດ້ ຮັບເງິນສົດ 4 ລ້ານກີບ ພ້ອມ ຂັນ 1 ໜ່ວຍ 500 ກິໂລ ກຣາມ, ທີ 2 ກຸ່ມພັດທະນານ້ຳ ຖ້ວມ ຮັບເງິນສົດ 3.5 ລ້ານ ກີບ ພ້ອມຂັນ 1 ໜ່ວຍ 250 ກິໂລກຣາມ, ທີ 3 ບ້ານບົມ ຮັບເງິນສົດ 3 ລ້ານກີບ ພ້ອມ ຂັນ 1 ໜ່ວຍ 205 ກິໂລ ກຣາມ, ທີ 4 ກຸ່ມນ້ຳງາ ຮັບ ເງິນສົດ 2.7 ລ້ານກີບ, ທີ 5 ບ້ານນະຄອນ ຮັບເງິນສົດ 2 ລ້ານກີບ, ທີ 6 ບ້ານໂພນສະ ອາດ ຮັບເງິນສົດ 2.2 ລ້ານ ກີບ ແລະ ທີ 7 ເຮືອຊ່ວງ ບ້ານໂພນໄຊ ຮັບເງິນສົດ 2 ລ້ານກີບ. ນອກຈາກນັ້ນ ຍັງມີ ລາງວັນຊົມເຊີຍເຮືອງາມ ເຊິ່ງ ແມ່ນເຮືອຊ່ວງ ບ້ານໂຄ້ງ ໄດ້ ເປັນປີທີ 2 ຮັງເງິນສົດ 3 ແສນ ກີບ.
ຂ່າວຈາກ:laosportnews.com.