ສື່ເຢຍລະມັນ ຢືນຢັນ! ມາເນ່ ລາຫົງແດງ ໄປ ເສືອໃຕ້ ໃນພັກຮ້ອນນີ້

“ບິລ” ສື່ໃນເຢຍລະມັນ ລາຍງານວ່າ ຊາດິໂອ ມາເນ່ ປີກຈອມເກັ່ງຂອງ ລິເວີພູລ ສະໂມສອນຍັກໃຫຍ່ຂອງ ພຣີເມຍລີກ ອັງກິດ ມີແນວໂນ້ມສູງທີ່ຈະບໍ່ຕໍ່ສັນຍາໃນຖິ່ນ ແອນຟິວ. ຫຼັງຈາກສັນຍາປັດຈຸບັນຍັງເຫຼືອພຽງ 1 ປີເທົ່ານັ້ນ ແລະ ຈະຍ້າຍໄປຫຼິ້ນໃຫ້ກັບ “ເສືອໃຕ້” ບາເຢິນ ມິວນິກ ມະຫາອຳນາດແຫ່ງ ບຸນເດສລີກາ ເຢຍລະມັນ ໃນລະດູຮ້ອນນີ້.

ກ່ອນໜ້ານີ້ “ເສືອໃຕ້” ຕົກເປັນຂ່າວວ່າຕ້ອງການ ມາເນ່ ເປັນຕົວແທນ ໂຣເບີດ ເລວານດອຟສະກີ ກອງໜ້າຕົວເກັ່ງທີ່ຢືນຢັນບໍ່ຕໍ່ສັນຍາ. ແລະ ຄາດວ່າຈະຍ້າຍອອກຈາກທີມໃນລະດູຮ້ອນນີ້ ຂະນະທີ່ ດາວຍິງທີມຊາດເຊເນການ ກໍ່ໄດ້ຕອບຄຳຖາມສື່ກ່ຽວກັບອະນາຄົດຂອງຕົນເອງ. ໂດຍລະບຸວ່າຈະໃຫ້ຄຳຕອບທີ່ຊັດເຈນ ຫຼັງຈາກຈົບພາລະກິດກັບ “ຫົງແດງ” ໃນເກມ ຢູຟ່າ ແຊ້ມປ້ຽນລີກ ນັດສຸດທ້າຍກັບ ຣຽວ ມາດຣິດ ໃນວັນເສົາທີ 28 ພຶດສະພານີ້.

ຢ່າງໃດກໍ່ຕາມ, “ບິລ” ລະບຸວ່າມີຄວາມເປັນໄປໄດ້ສູງທີ່ ມາເນ່ ເລືອກທີ່ຈະບໍ່ຕໍ່ສັນຍາກັບ ລິເວີພູລ ແລະ ຍ້າຍໄປ “ເສືອໃຕ້” ເພື່ອຊອກຫາສິ່ງທ້າທາຍໃຫມ່ໃນຊ່ວງລະດູຮ້ອນນີ້. ຫຼັງຈາກປະສົບຜົນສໍາເລັດກັບ “ຫົງແດງ” ເປັນເວລາ 6 ປີໃນ ແອນຟິວ ຄາດ​ວ່າ​ເຂົາ​ຈະ​ບອກ​ລາ​ກັບ ເຈເກັນ ຄລັອບ ທີ່​ເປັນ​ຄູ​ຝຶກ​ສອນ. ລວມທັງເພື່ອນຮ່ວມທີມຂອງເຈົ້າ ຫຼັງຈາກການແຂ່ງຂັນຮອບສຸດທ້າຍຂອງແຊ້ມປ້ຽນລີກໃນວັນເສົາ