ຄະນະຜູ້ແທນແມ່ທັບ 15 ກອງທັບປະຊາຊົນ ສສ ຫວຽດນາມ ພົບປະ ການນຳແຂວງໄຊສົມບູນ
ວັນທີ 27 ພຶດສະພາ 2022 ຢູ່ຫ້ອງວ່າການແຂວງໄຊສົມບູນ, ສະຫາຍ ພອຍຄຳ ຮຸ່ງບຸນຍວງ ເລຂາພັກແຂວງ, ເຈົ້າແຂວງໄຊສົມບູນ ໄດ້ຕ້ອນຮັບພັນເອກ ເລ ຊວນເຟືອງ ຮອງຫົວໜ້າເສນາທິການແມ່ທັບ 15 ສສ ຫວຽດນາມ ພ້ອມດ້ວຍຄະນະ ໃນໂອກາດເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງໄຊສົມ ບູນ.
ສະຫາຍ ພອຍຄຳ ຮຸ່ງບຸນຍວງ ໄດ້ຕີລາຄາສູງຕໍ່ການຢ້ຽມຢາມຂອງຄະນະຜູ້ແທນແມ່ທັບ 15 ກອງທັບປະຊາຊົນ ສສ ຫວຽດນາມ ຢູ່ໃນທ່າມກາງທີ່ສອງພັກສອງລັດ ແລະ ປະຊາຊົນສອງຊາດລາວ-ຫວຽດ ນາມ ພວມກະກຽມຈັດຕັ້ງສະເຫຼີມສະຫຼອງວັນປະຫວັດສາດລາວ-ຫວຽດນາມຄືວັນເຊັນສົນທິສັນຍາມິດຕະ ພາບ ແລະ ການຮ່ວມມືຮອບດ້ານ ຄົບຮອບ 45 ປີ ແລະ ວັນສ້າງຕັ້ງສາຍພົວພັນທາງການທູດ ຄົບຮອບ 60 ປີ. ຂະນະທີ່ພັນເອກ ເລ ຊວນເຟືອງ ໄດ້ສະແດງຄວາມຂອບອົກຂອບໃຈທີ່ເລຂາພັກແຂວງໄດ້ຕ້ອນ ຮັບຢ່າງອົບອຸ່ນພ້ອມທັງລາຍງານຫຍໍ້ຈຸດປະສົງການມາຢ້ຽມຢາມ ແລະ ເຮັດວຽກຮ່ວມກັບກອງບັນຊາການທະຫານແຂວງໄຊສົມບູນຮັບຊາບ.
ການມາຢ້ຽມຢາມຂອງຄະນະຜູ້ແທນແມ່ທັບ 15 ກອງທັບປະຊາຊົນ ສສ ຫວຽດນາມຢູ່ແຂວງໄຊສົມບູນ ຈະເລັ່ງສຳຫຼວດ, ວິໄຈເງື່ອນໄຂທຳມະຊາດ, ສະພາບເສດຖະກິດ-ສັງຄົມ, ການປູກຝັງ-ລ້ຽງສັດ ຮັບປະກັນໃຫ້ແກ່ການຜະລິດກະສິກຳຂອງປະຊາຊົນ, ຍົກລະດັບການສ້າງຊັບພະຍາກອນມະນຸດເພື່ອຍົກສູງປະ ສິດທິພາບການພັດທະນາໃຫ້ຍືນຍົງ, ສົ່ງເສີມການຜະລິດກະສິກຳເປັນສິນຄ້າພ້ອມທັງສະໜັບສະໜູນອຸປະ ກອນການຮຽນ-ການສອນໃຫ້ໂຮງຮຽນວິຊາຊີບແຂວງໄຊສົມບູນ ຕື່ມອີກ.
