5 ຂໍ້ດີຂອງການມີແຟນອາຍຸແກ່ກວ່າ…

ເຮົາທຸກຄົນຕ່າງມີຄວາມຮັກ ແລະ ຫລາຍໆຄົນມັກຄົ້ນຫາ ແລະ ຕາມຫາຮັກ ເພື່ອຕ້ອງການມາເຕີມເຕັມຊີວິດເພື່ອໃຫ້ຊີວິດເຮົາສົມບູນຫລາຍຂຶ້ນ ເຊິ່ງແນ່ນອນຢູ່ແລ້ວວ່າ ຄວາມຮັກເຮົາບໍ່ສາມາດກຳນົດ ຫລື ເລືອກໄດ້ບໍ່ວ່າຈະເປັນເລື່ອງເພດ ເລື່ອງໄວອາຍຸ ລວມໄປຮອດເລື່ອງໜ້າຕາ ຫລາຍຄົນຕ່າງກໍ່ເຄີຍໄດ້ຍິນວ່າ ຂ້ອຍບໍ່ຢາກມີແຟນແກ່ກວ່າເລີຍ ຂ້ອຍຢາກມີແຟນເດັກນ້ອຍ ເພາະເດັກນ້ອຍເຮັດໃຫ້ຫົວໃຈຂອງຂ້ອຍກະຊຸມກະຊວຍ ແຕ່ໃນມື້ນີ້ເຮົາໄດ້ມີຂໍ້ດີຂອງການມີແຟນທີ່ມີອາຍຸຫລາຍກວ່າ ຮັບຮອງວ່າມີດີບໍ່ແພ້ການມີແຟນເດັກນ້ອຍເລີຍ

5 ຂໍ້ດີຂອງການມີແຟນອາຍຸແກ່ກວ່າ…

• ໃຫ້ຄຳແນະນຳ ແລະ ເປັນທີ່ປືກສາທີ່ດີສະເໝີ

ໃນເວລາທີ່ເຮົາຄຽດ ຫລື ມີເລື່ອງລາວທີ່ເຮັດໃຫ້ບໍ່ສະບາຍໃຈນັ້ນ ເຮົາຢາກທີ່ຈະລະບາຍເລື່ອງລາວໃຫ້ໃຜຄົນໜຶ່ງໄດ້ຟັງ ສ່ວນຫລາຍກໍຈະເປັນຄົນທີ່ແກ່ກວ່າ ເພາະພວກເຂົາເຫລົ່ານັ້ນມີປະສົບການຄວາມຄິດທີ່ຜ່ານມາກ່ອນເຮົາ ເຂົາຈະແນະນຳວິທີ ແລະ ສິ່ງທີ່ເຮົາຄວນເຮັດນັ້ນ ເຮົາຕ້ອງການຫຍັງກັບສິ່ງທີ່ເກີດຂຶ້ນຈະມີຄຳເວົ້າທີ່ເຮົາມັກໄດ້ຍິນຢູ່ສະເໝີນັ້ນຄື ອາບນ້ຳຮ້ອນມາກ່ອນ ຈຶ່ງບໍ່ແປກເລີຍທີ່ມີແຟນແກ່ກວ່ານັ້ນ ຈະເປັນທີ່ເພິ່ງທາງໃຈທີ່ໃຫ້ຄຳປືກສາເຮົາໄດ້ດີສະເໝີ

• ບໍ່ໃຈຮ້ອນຄືກັບໄວໜຸ່ມທົ່ວໄປ

ໄວໜຸ່ມໃນປັດຈຸບັນນີ້ ມີຄວາມໃຈຮ້ອນ ອາລົມແປປວນ ຜິດກັນບາດໃດ ລົງໄມ້ລົງມື ບອກເລີກແດ່ ບອກໄປກັນບໍ່ໄດ້ແດ່ ຈະວົນຢູ່ແບບນີ້ ແຕ່ຄົນທີ່ເຂົາມີອາຍຸທີ່ຫລາຍກວ່າເຂົາຈະມີເຫດຜົນ ມີຄວາມຄິດທີ່ໃຫ່ຍເປັນຜູ້ໃຫ່ຍຈິງຈັງກັບຄວາມຮັກ ບໍ່ເຫັນຄວາມຮັກເປັນຂອງຫລິ້ນທີ່ເບື່ອແລ້ວກໍໂຍນຖິ້ມ ແຕ່ຈະປັບຕົວເຂົ້າຫາກັນ ມີຫຍັງຄ່ອຍລົມກັນ ປັບຄວາມເຂົ້າໃຈກັນ ແລະ ພ້ອມທີ່ຈະຍ່າງຄຽງຂ້າງໃນມື້ທີ່ມີປັນຫາ ກ້າວຜ່ານອຸປະສັກທີ່ເກີດຂຶ້ນໄປພ້ອມກັນ

• ໂອກາດນອກໃຈເກືອບຈະເປັນໄປບໍ່ໄດ້

ເມື່ອເຈົ້າມີອາຍຸທີ່ຫລາຍຂຶ້ນ ເຈົ້າຈະເລີ່ມເບິ່ງຄວາມຮັກທີ່ປ່ຽນໄປ ບໍ່ແມ່ນແຄ່ວ່າເບິ່ງຫາຄົນທີ່ຮູບຮ່າງໜ້າຕາເທົ່ານັ້ນ ແຕ່ເຮົາຕ້ອງເບິ່ງໄປເຖິງລັກສະນະນິໄສ ຄວາມຮັບຜິດຊອບ ຄວາມດຸໝັ່ນ ແລະ ເຂົ້າກັບຄອບຄົວຂອງເຮົາໄດ້ເປັນຢ່າງດີ ຄົນທີ່ອາຍຸຫລາຍຂຶ້ນ ຈະເບິ່ງຫາຄວາມຮັກທີ່ເບິ່ງໄປອະນາຄົດບໍ່ແມ່ນມາຫລິ້ນກັບຄວາມຮັກຄືກັນໄວໜຸ່ມທົ່ວໆໄປ ແລະ ຈະໃຫ້ຄວາມສຳຄັນຫລາຍກວ່າໜຸ່ມສາວທົ່ວໄປຢ່າງແນ່ນອນ ໂອກາດນອກໃຈເຈົ້າ ຫລື ແນມຫາຄົນອື່ນແທບຈະເປັນໄປບໍ່ໄດ້ເລີຍເຈົ້າລອງຄິດເບິ່ງວ່າຖ້າເກີດສົມມຸດເຈົ້າມີແຟນທີ່ເດັກກວ່າເຈົ້າເອງກໍຈະຕ້ອງເອົາໃຈໃສ່ ແລະ ຕ້ອງເບິ່ງແຍງ take care ເຂົາເປັນພິເສດ

• ເປັນທີ່ເພິ່ງ ແລະ ເພິ່ງພາໄດ້

ຍິ່ງອາຍຸຫລາຍຂຶ້ນຊ່ຳໃດ ຍິ່ງເປັນສິ່ງໜຶ່ງທີ່ຮັບຮອງໃນໜ້າທີ່ຂອງການງານ ຄວາມຮັບຜິດຊອບການເບິ່ງແຍງຕົວເອງ ແລະ ຕົວເຮົາໄດ້ ມີພ້ອມທຸກຢ່າງ ເພາະການເປັນຜູ້ໃຫ່ຍສິ່ງທີ່ໃຫ້ຄວາມສຳຄັນນັ້ນຄື ອະນາຄົດທີ່ດີ ມີເງິນເກັບ ບໍ່ລຳບາກໃນຕອນເຖົ້າ ຕ່າງຈາກໄວໜຸ່ມທີ່ມັກໃຊ້ເງິນແບບບໍ່ຄິດ ຊື້ເຄື່ອງຂອງທີ່ຕ້ອງການແບບບໍ່ຄິດໜ້າຄິດຫລັງໃຫ້ດີ

• ເຂົ້າກັບຄອບຄົວເຈົ້າໄດ້ເປັນຢ່າງດີ

ສິ່ງນີ້ເປັນສິ່ງທີ່ສຳຄັນຫລາຍບໍ່ວ່າຈະເປັນໄວໜຸ່ມ ຫລື ເປັນຜູ້ໃຫ່ຍ ການເຂົ້າກັບຄອບຄົວຂອງເຮົາຖືວ່າເປັນເລື່ອງທີ່ສຳຄັນຫລາຍ ເພາະເມື່ອຄິດທີ່ຈະມີຄອບຄົວ ບໍ່ແມ່ນແຕ່ຄົນສອງຄົນເທົ່ານັ້ນແຕ່ເຮົາຍັງມີຄົນຮອບຂ້າງ ຍັງມີຄອບຄົວທີ່ເຮົາຕ້ອງໃສ່ໃຈ ແລະ ໃຫ້ຄວາມສຳຄັນຄົນເຫລົ່ານັ້ນເພາະເຮົາບໍ່ສາມາດຢູ່ໄດ້ແຕ່ 2​ຄົນ, ບາງຄົນທີ່ພ້ອມຈະເຂົ້າໃຈເຮົາ ແລະ ພ້ອມຈະຢູ່ຄຽງຂ້າງເຮົາເປັນ

ຢ່າຟ້າວເບິ່ງຂ້າມເລື່ອງຫຍັງງ່າຍໆລອງເປີດໃຈຂອງເຈົ້າເບິ່ງ ແລ້ວບອກຕົນເອງເອົາໄວ້ວ່າ ອາຍຸມັນເປັນພຽງຕົວເລກ