ຂຶ້ນທະບຽນພະພຸດທະຮູບເງິນ 34 ອົງ ທີ່ຄົ້ນພົບຢູ່ບ້ານໂພນງາມເມືອງປາກລາຍ ແຂວງໄຊຍະບູລີ ເປັນມໍລະດົກຂອງຊາດ

ທ່ານ ບຸນທະວີ ບຸນຊູຮັກ ຮອງຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງໄຊຍະບູລີ ໃຫ້ຮູ້ວ່າ: ວັນທີ 18 ພຶດສະພາ 2022 ນີ້ ໄດ້ນຳພາວິຊາການຈາກພະແນກ, ຖວທ ແລະ ຖວທ ເມືອງປາກລາຍ ຮ່ວມກັບ ອົງການປົກຄອງບ້ານໂພນງາມ ລົງກວດກາພະພຸດທະຮູບ ຈຳນວນ 34 ອົງ ທີ່ ທ່ານ ເງິນທອງ ສີວິໄລ ຢູ່ບ້ານໂພນງາມ ເມືອງປາກລາຍ ແຂວງໄຊຍະບູລີ ພົບຈາກການໄຟສວນ ວັນທີ 11-12 ພຶດສະພາ ຜ່ານມາ

ພະດັ່ງກ່າວເປັນພະທີ່ຫຼອມດ້ວຍສີເງິນ ຈຳນວນ 34 ອົງ ດັ່ງນັ້ນພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງ, ຈຶ່ງໄດ້ນຳຂຶ້ນທະບຽນເປັນມໍລະດົກຂອງຊາດ ແລະ ພ້ອມທັງມອບໃຫ້ບ້ານເປັນຜູ້ຄຸ້ມຄອງປົກປັກຮັກສາ ເພື່ອເປັນບ່ອນກາບໄຫວ້ບູຊາຂອງປະຊາຊົນໃນທົ່ວສັງຄົມ.