3 ນັກເຕະແມນຢູ ມີຄວາມສ່ຽງທີ່ອາດຖືກ ເທນ ຮາກ ປ່ອຍອອກຈາກທີມລະດູການນີ

ຟາບີໂອ ໂຣມາໂນ ນັກຂ່າວຈອມແມ໋ນຊາວອີຕາລີ ລະບຸວ່າ ມາຄັສ ແຣສຟອດ, ເອຣິກ ໄບຢີ ແລະ ອາຣອນ ວານ ບິສຊາກາ ຄື 2 ນັກເຕະຂອງ ແມນເຊສເຕີ ຢູໄນເຕັດ ທີ່ມີຄວາມສ່ຽງຈະຖືກປ່ອຍຕົວອອກຈາກທີມໃນລະດູການນີ້ ໂດຍພວມຖ້າການຕັດສິນໃຈຂັ້ນສຸດທ້າຍຈາກ ເອຣິກ ເທນ ຮາກ ຜູ້ຈັດການທີມຄົນໃຫມ່.

ໂຣມາໂນ ກ່າວວ່າ : ‘‘ ເອຣິກ ເທນ ຮາກ ໄດ້ມີການນັດພົບກັບຄະນະບໍລິຫານບາງຄົນຂອງແມນເຊສສເຕີ ຢູໄນເຕັດ ເມື່ອອາທິດກ່ອນ ແລະມີການຢືນຢັນແລ້ວວ່າເປັນຄວາມຈິງ ມັນເກີດຂຶ້ນທີ່ອຳເຕີດຳ ໃນການປະຊຸມດັ່ງກ່າວ ແມນເຊສເຕີ ຢູໄນເຕັດ ຕ້ອງການການຕັດສິນໃຈຈາກ ເອຣິກ ເທນ ຮາກ ໂດຍໄວທີ່ສຸດກ່ຽວກັບອະນາຄົດຂອງ ເອຣິກ ໄບຢີ, ອາຣອນ ວານ ບິສຊາກາ ແລະ ມາຄັສ ແຣສຟອດ ’’.

ສຳລັບ ວານ ບິສຊາກາ ຕ້ອງຫລຸດໄປເປັນຕົວສຳຮອງຂອງ ດີໂອໂກ ດາໂລ ໃນຕຳແຫນ່ງກອງຫລັງເບື້ອງ ເນື່ອງຈາກບໍ່ຕອບໂຈດໃນເລື່ອງການຫລິ້ນເກມບຸກ ສ່ວນ ເອຣິກ ໄບຢີ ກໍເປັນຕົວສຳຮອງອົດທົນ ເພາະ ຣາຟ ຣັງນິກ ມັກຈະເລືອກໃຊ້ງານ ແຮຣີ ແມັກໄກວ, ຣາຟາເອລ ວາຣານ ແລະ ວິກຕໍ ລິນເດເລີບ ກ່ອນຫນ້າລາວຢູ່ສະເຫມີ ຂະນະທີ່ ມາຄັສ ແຣສຟອດ ຜົນງານຕົກຢ່າງຫນ້າຜິດຫວັງ ຈົນຖືກຮຸ່ນນ້ອງຢ່າງ ແອນໂທນີ ອີແລັງກາ ບຽດຫລຸດໄປເປັນຕົວສຳຮອງຢູ່ຕະຫລອດ.