ນັກເຕະບານຍິງ ລີກເອກົວດໍ ເຕະຫວ່າງຂາຜູ້ຕັດສິນຊາຍ ເຫດບໍ່ພໍໃຈຖືກໃບແດງໄລ່ອອກ

ເກັບຊົງບໍ່ຢູ່ກັນເລີຍທີດຽວ ສໍາລັບຜູ້ຕັດສິນຊາຍໃນການແຂ່ງຂັນບານເຕະຍິງລີກເອກົວດໍ ຫຼັງຈາກມີນັກເຕະຫຼິ້ນນອກຈັງຫວະດ້ວຍການເຕະເຂົ້າລະຫວ່າງຂາແບບຈັດຫນັກ, ພຽງເພາະວ່າບໍ່ພໍໃຈທີ່ຖືກໃບແດງອອກໄລ່ອອກຈາກສະຫນາມ

ໂດຍເຫດການດັ່ງກ່າວເກີດຂຶ້ນໃນການແຂ່ງຂັນ Ecuador’s Women’s Super League ຫລືລີກບານເຕະຍິງສູງສຸດຂອງເອກົວດໍ ເມື່ອອາທິດທີ່ຜ່ານມາ (27 ເມສາ) ໃນການແຂ່ງຂັນລະຫວ່າງ ລີໂອນາສ ເດສ ນໍເຕ້ ກັບ ສະໂມສອນ ນານາສ ເຊິ່ງເກມນີ້ ເຊີລີ່ ເຄເຊໂດ້ ຍິງໃຫ້ ລີໂອເນສ ຂຶ້ນນຳ 1-0 ແຕ່ຈົບເກມກັບເປັນ ນານາສ ກັບມາຍິງແຊງ 2 ປະຕູຕິດຕໍ່ກັນ ຊະນະ 2 -1

ແລະ ເມື່ອຜູ້ຕັດສິນເຊີ່ງເປັນຜູ້ຊາຍໄດ້ເປົ່າຫມາກຫວີດຈົບການແຂ່ງຂັນ ໄຄເຊໂດ້ ຈັບບານມາ ແລະ ພະຍາຍາມເຕະໃສ່ຜູ້ຕັດສິນ, ແຕ່ຜູ້ຕັດສິນລົບໄດ້ທັນ ກ່ອນທີ່ຈະຫັນໄປແຈກໃບແດງໃຫ້ນາງ ເຮັດໃຫ້ ໄຄເຊໂດ້ ຫັນຫລັງກັບໄປເຕະເຂົ້າຫວ່າງຂາຜູ້ຕັດສິນເຕັມໆຈົນອອກອາການ, ແຕ່ເຂົາຍັງຢືນເກັບຊົງຢູ່ຢ່າງແຂງແກ່ງທ່າມກາງນັກເຕະ ລີໂອນາສ ທີ່ພາກັນແລ່ນມາປະທ້ວງເລື່ອງໃບແດງ

ຢ່າງໃດກໍຕາມ, ສະມາຄົມບານເຕະ ເອກົວດໍ ໄດ້ເປີດການສືບສວນກ່ຽວກັບເລື່ອງນີ້ ແລະ ໄຄເຊໂດ້ ອາດຮັບໂທດແບນຍາວສໍາລັບການທໍາຮ້າຍຜູ້ຕັດສິນ