ນຳສະເໜີປຶ້ມບັນທຶກ ໂຮມຜົນງານການຂຽນ ແລະອອກແບບແຕ້ມຂອງອານຸໂລມສຸວັນດວນ
ວັນທີ 8 ສິງຫານີ້, ໄດ້ມີ ພິທີນຳສະເໜີປຶ້ມບັນ ທຶກ “ໂຮມຜົນງານການຂຽນ ແລະ ອອກແບບແຕ້ມ” ຂອງອາຈານອາ ນຸໂລມ ສຸວັນດວນ, ຂຶ້ນທີ່ນະຄອນ ຫລວງວຽງຈັນ, ໂດຍການ ໃຫ້ກຽດເຂົ້າຮ່ວມຂອງ ທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ, ມີປະ ທານ ສະມາຄົມວິຈິດສິນ, ສະມາຄົມນັກປະພັນເຂົ້າ ຮ່ວມຢ່າງຫລວງຫລາຍ.
+ ຮ່ວມລົງນາມສະໜັບສະໜູນໂຄງການລະດົມທຶນຊ່ວຍເຫລືອ ຖົງປຶ້ມເພື່ອນ້ອງ
+ ອົງການສຸພານິມິດມອບປຶ້ມອ່ານໃຫ້ໂຮງຮຽນ 2 ແຫ່ງຢູ່ເມືອງອາດສະພອນ
ເພື່ອນຳສະເໜີປຶ້ມບັນທຶກ ດັ່ງກ່າວ ອອກສູ່ ສັງຄົມລາວໃຫ້ກວ້າງຂວາງ, ໂດຍໄດ້ຮີບໂຮມເອົາ ຜົນງານການແຕ້ມ ແລະ ປະສົບການຕ່າງໆ ເກືອບ 50 ປີທີ່ນັກແຕ້ມປະເຊີນໃນຊີວິດຂອງ ຕົນມາໄວ້ ຢູ່ໃນປຶ້ມຫົວນີ້, ພ້ອມຍັງ ມີຮູບແຕ້ມໃບເງິນປະເພດ ຕ່າງໆທີ່ຖືກນຳໃຊ້ໃນປັດຈຸບັນ ແລະ ບໍ່ໄດ້ນຳໃຊ້ ມາໂຮມໄວ້ໃນປຶ້ມດັ່ງກ່າວ ແລະ ມີຜົນງານການ ຂຽນບົດເລື່ອງສັ້ນ ກ່ຽວກັບການແຕ້ມຮູບ, ພ້ອມ ທັງຜົນງານຕ່າງໆ ຂອງຕົນທີ່ມີຕໍ່ປະເທດຊາດ.
ອາຈານ ອານຸໂລມ ສຸວັນ ດວນ ໃນນາມນັກ ແຕ້ມທີ່ມີຊື່ສຽງຜູ້ໜຶ່ງ, ໂດຍສະເພາະການແຕ້ມ ແລະ ອອກແບບໃບເງິນແຕ່ລະປະເພດນັບແຕ່ ໃບ 100 ກີບຈົນ ເຖິງໃບ 1 ແສນກີບທີ່ໄດ້ນຳໃຊ້ ຢູ່ໃນປັດຈຸບັນ, ລວມໄປເຖິງສະແຕມທີ່ນຳໃຊ້ ໃນລາວ ແລະ ຮູບພາບຕ່າງໆທີ່ມີຊື່ສຽງກໍລ້ວນ ແລ້ວແຕ່ແມ່ນຜົນງານການແຕ້ມຂອງເພີ່ນ, ເຊິ່ງ ຜູ້ໃດມີຄວາມສົນ ໃຈສາມາດສັ່ງຊື້ໄດ້, ໂດຍກົງ ໂທ: 021 452919
