ຊີ້ແຈງການ ກໍລະນີການເປີດສະເພາະໄຟອຳນາດ (ສີເຫຼືອງ) ເລີ່ມແຕ່ເວລາ 22 ໂມງ

ທ່ານ ພັທ ເດດລືຊາ ໄຊຍະສານ ຮອງພະແນກຈາລະຈອນນະຄອນຫລວງວຽງຈັນໃຫ້ຂໍ້ມູນເບື້ອງຕົ້ນວ່າ:

ມີບາງຈຸດເມື່ອຮອດເວລາ 22 ໂມງ ມີການປ່ຽນຈາກໄຟແດງໄຟຂຽວ ເປັນໄຟເຕືອນສີເຫລືອງ ແມ່ນອີງຕາມກົດລະບຽບ ແລະ ອີງຕາມສະພາບການສັນຈອນ ເພາະໃນຊ່ວງເວລານັ່ນຖືວ່າການສັນຈອນລົດແມ່ນບໍ່ມີແລ້ວ ສະນັ້ນການຕັ້ງໂອໂຕໄວ້ໃຫ້ເຕືອນເປັນໄຟກະພິບສີເຫລືອງເພື່ອເຕືອນນັກຂັບຂີ່ເມື່ອໃກ້ເຂົ້າເຖິງ 3-4 ແຍກ ຄວນມີສະຕິຜ່ອນຄວາມໄວ.

ສາເຫດທີ່ບໍ່ຕັ້ງເປັນໄຟຂຽວປົກກະຕິແມ່ນ ບາງຄັ້ງລົດບໍ່ມີ ບາງຄັ້ງມີ 1 ຫລື 2 ຄັນ ເຮັດໃຫ້ເສຍເວລາໃນການສັນຈອນ, ເພື່ອຄວາມສະດວກສະບາຍຂອງຜູ້ຂັບຂີ່, ເພື່ອໃຫ້ນັກຂັບຂີ່ຝຶກສະຕິຕົນເອງໃຫ້ມີລະບຽບ ແລະ ໃຫ້ກຽດເຊິ່ງກັນແລະກັນ