ປາຣີສ ກຽມແຜນປ່ອຍ 3 ນັກເຕະ ອາເຈນຕີນາ ລະດູການນີ້

ສຳນັກຂ່າວອາແອສ ລາຍງານວ່າ ປາຣີສ ແຊັງ ແຊັກແມັງ ສະໂມສອນໃຫຍ່ແຫ່ງ  ລີກ ເອິງ ຝຣັ່ງ ກຽມມີແຜນປ່ອຍ 3 ນັກເຕະອາເຈນຕີນາ ປະກອບດ້ວຍ ອັງເຄລ ດີ ມາເຣຍ,​ ເມົາໂຣ ອີກາດີ ແລະ ເລອັນໂດຣ ປາເຣເດສ ໃນຕະຫລາດຊື້ຂາຍລະດູການນີ້.

ລາຍງານລະບຸວ່າ ອັງເຄລ ດີ ມາເຣຍ ພວມຈະຫມົດສັນຍາກັບີມດັງແຫ່ງນະຄອນຫລວງ ປາຣີ ໃນໄລຍະລະດູການນີ້ ແລະ ເບິ່ງວ່າທາງສະໂມສອນຈະບໍ່ຕ້ອງການຂະຫຍາຍສັນຍາຂອງນັກເຕະລາຍນີ້ ຂະນະທີ່ ອີກາດີ ແລະ ປາເຣເດສ ເຖິງຈະເຫລືອສັນຍາກັບ ເປແອສເຊ ແຕ່ມີການເປີດເຜີຍວ່າທາງສະໂມສອນຕ້ອງການຈະຂາຍນັກເຕະທັງສອງອອກຈາກທີມໃນຕະຫລາດຮອບນີ້ເຊ່ັນດຽວກັນ ເພື່ອທີ່ຈະລະດົມທຶນມາໃຊ້ເສີມນັກເຕະໃຫມ່ເຂົ້າມາເປັນສະມາຊິກຂອງທີມໃນລະດູການນີ້.

ເຊິ່ງຫາກນັກເຕະທັງ 3 ຄົນ ບອກລາ ເປສແອສເຊ ໃນລະດູການນີ້ທັງຫມົດ ຈເຮັດໃຫ້ຕອນນີ້ເຫລືອພຽງ ລີໂອເນລ ເມສຊີ ທີ່ເປັນນັກເຕະຊາວອາເຈນຕີນາຄົນດຽວທີ່ຢູ່ກັບເປແອສເຊ.