MOLAVIR ຢາປົວໂຄວິດ COVID ທີ່ຜະລິດ ແລະ ຈຳໜ່າຍແລ້ວໃນ ສປປ ລາວ
ບໍລິສັດ ລາຕຸງເມິງການຢາ ແລະ ອາຫານ ຈຳກັດ ເປັນໜຶ່ງໃນໂຮງງານຜະລິດຢາທີ່ທັນສະໄໝທີ່ສຸດຢູ່ ສປປ ລາວ ແລະ ແມ່ນບໍລິສັດຮ່ວມທຶນລະຫວ່າງນັກທຸລະກິດລາວ ແລະ ຈີນ ຕັ້ງຢູ່ຫລັກ 31 ຖະໜົນ 13 ໃຕ້ ບ້ານ ນາຜາສຸກ ເມືອງ ໄຊທະນີ ນະຄອນຫລວງວຽງຈັນ, ສ້າງຕັ້ງຂຶ້ນໃນປີ 2012, ດຳເນີນທຸລະກິດຜະລິດຢາປົວພະຍາດສະໜອງຕະຫລາດພາຍໃນ ແລະ ສົ່ງອອກ.
ໂຮງງານຜະລິດຢາຂອງບໍລິສັດ ລາວຕຸງເມິງການຢາ ແລະ ອາຫານ ຈຳກັດໄດ້ຮັບມາດຕະຖານ GMP(ມາດຕະຖານການຜະລິດທີ່ດີ)ຈຶ່ງເຮັດໃຫ້ຜູ້ບໍລິໂພກພາຍໃນ ແລະ ສາກົນໝັ້ນໃຈຕໍ່ຜະລິດຕະພັນຂອງບໍລິສັດ. ບໍລິສັດໄດ້ຂຶ້ນທະບຽນຢາຕຳລາສາກົນຜະລິດພາຍໃນ 60 ກວ່າຊະນິດ, ໃນນັ້ນຜະລິດຕະພັນທີ່ພົ້ນເດັ່ນຂອງບໍລຶສັດແມ່ນຢາປິ່ນປົວມະເຮັງຊະນິດຕ່າງໆເຊັ່ນ: ມະເຮັງເມັດເລືອດຂາວ, ປອດ, ຕັບ ແລະ ອື່ນໆ.
ເພື່ອຕ້ານໄພຄຸກຄາມຂອງພະຍາດ Covid-19, ບໍລິສັດໄດ້ຮັບອະນຸຍາດຜະລິດຢາປົວພະຍາດ Covid-19 ເພື່ອນຳໃຊ້ສຸກເສີນ ໃນລາຄາ 340.000ກີບ/ກ່ອງ ເຊິ່ງໄດ້ຮັບຜົນຕອບຮັບດີຫລາຍດ້ານລາຄາ ແລະ ຄຸນນະພາບ. ມີວາງຈຳໜ່າຍທີ່ຮ້ານຂາຍຢາໃສສະອາດ ແລະ ຮ້ານຂາຍຢາຊັ້ນນຳທົ່ວໄປ.
ຜ່ານມາ ບໍລິສັດໄດ້ມອບຢາປົວພະຍາດມູນຄ່າ 200.050 ໂດລາສະຫະລັດ ໃຫ້ ກະຊວງສາທາ ລະນະສຸກ ເພື່ອນຳໃຊ້ເຂົ້າໃນການປິ່ນປົວຄົນເຈັບ ແລະ ປີ 2020 ໄດ້ປະກອບສ່ວນທຶນ 3.000 ໂດລາ ສະຫະລັດ ຊ່ວຍເຫລືອປະຊາຊົນຈີນຕ້ານ Covid-19.
