ສື່ເຈົ້າພາບເຜຍ 8 ເກມ esport ທີ່ຈະໃຊ້ແຂ່ງໃນ ຊີເກມ 2021 ທີ່ຫວຽດນາມ

ພາຍຫຼັງທີ່​ບໍ່ໄດ້ຈັດການແຂ່ງຂັນຕ່າງໆເປັນ​ເວລາ​ດົນ​ ​ລວເຖີງ​​ກິລາ esports ​ແລະ ເມື່ອບໍ່ນານ​ມາ​ນີ້ ສະຫະພັນ​ກິລາ​ເອ​ເລັກ​ໂຕຣນິກ​ແຫ່ງເອເຊຍ (AESF) ​ໄດ້​ມີການປະກາດ​ການ​ກັບມາຢ່າງເປັນທາງການຂອງ​ກິລາ esport ​​ໃນ​ງານມະຫະກຳກິລາ SEA Games 2021 ທີ່​ຫວຽດນາມອີກຄັ້ງ ໂດຍທາງ AESF ປະກາດ​ວ່າ ​ເຂົາ​ພາກ​ພູມ​ໃຈ​ທີ່​ຈະ​ປະກາດ ຫຼັງ​ຈາກຄວາມພະຍາຍາມໃນ​ການ​ຊຸກ​ຍູ້​ ແລະ ​ພັກດັນ ກິລາ Esports ກັບຄືນມາຢ່າງເປັນທາງການເປັນກິລາຊີງຫຼຽນລາງວັນໃນຊີເກມ 2021 ທີ່ປະເທດຫວຽດນາມ

ທາງແຟນໆໄດ້ແຕ່ລຸ້ນວ່າຈະມີເກມໃດທີ່ຈະໃຊ້ເຂົ້າໃນການແຂ່ງຂັນນີ້ ແລະ ລ່າສຸດມີຂ່າວອອກມາຈາກສື່ມວນຊົນຂອງຫວຽດນາມ ທີ່ຖືເປັນເຈົ້າພາບຈັດການແຂ່ງຂັນຄັ້ງນີ້ໂດຍ GAMEK.VN ໄດ້ເປີດເຜີຍລາຍຊື່ 8 ເກມທີ່ຈະໃຊ້ໃນຊີເກມ 2021 ໃນຄັ້ງນີ້ ໂດຍທາງ GAMEK.VN ໄດ້ມີເອກະສານຫຼັກຖານຈາກ ກະຊວງ​ວັດທະນະທຳ, ກິລາ ​ແລະ ທ່ອງ​ທ່ຽວ ຂອງຫວຽດນາມ ຄັດຕິດມາເພື່ອຢືນຢັນຂ່າວໃຫ້ມີຄວາມໜ້າເຊື່ອຖືຫຼາຍຂຶ້ນ

ໂດຍເອກະສານສະບັບນີ້ຈະປະກອບດ້ວຍການກໍານົດປະເພດຂອງກິລາທີ່ຈະແຂ່ງຂັນກັນ ເຊີ່ງປະເພດການແຂ່ງຂັນອີສະປອດມີດັ່ງນີ້:

League of Legends: Wild Rift (ມືຖື) – (ທີມຊາຍ)

League of Legends: Wild Rift (ມືຖື) – (ທີມຍິງ)

League of Legends (PC) – (ທີມ)

Arena of Valor (ມືຖື) – (ທີມ)

Free Fire (ມືຖື) – (ທີມ)

PUBG MOBILE (ມືຖື) – (ດ່ຽວ)

PUBG MOBILE (ມືຖື) – (ທີມ)

ການໂຈມຕີ (CrossFire – PC) – (ທີມ)

Fifa Online 4 (PC) – (ທີມ)

Mobile Legends: Bang Bang (ມືຖື) – (ທີມ)

ສຳລັບ​ການ​ແຂ່ງຂັນ​ກິລາ​ອີສະປອດ​ໄດ້​ຈັດ​ຂຶ້ນ​ເປັນ​ຄັ້ງ​ທຳ​ອິດ​ໃນ​ງານ​ກິລາ​ເອຊຽນ​ເກ​ມປິ 2018 ທີ່​ປະ​ເທດ​ອິນ​ໂດ​ເນ​ເຊຍ. ໂດຍ​ໄດ້​ຈັດ​ເປັນ​ກິລາ​ສາ​ທິດ ກ່ອນ​ຈະ​ມີ​ການ​ແຂ່ງ​ຂັນ​ຫຼຽນ​ຄຳ​ໃນ​ງານ​ມະ​ຫະ​ກຳ​ຊີ​ເກມ 2019 ທີ່​ປະ​ເທດ​ຟີ​ລິບ​ປິນ

​ແລະ ລ່າສຸດ, ງານ​ມະຫາ​ກຳ​ກິລາ Sea Games 2021 ຢູ່​ຮ່າ​ໂນ້ຍ ປະເທດຫວຽດນາມ ເກມ Esports ກໍ່ໄດ້ຖືກບັນຈຸເຂົ້າໃນກິລານີ້ເຊັ່ນກັນ. ນັບໄດ້ວ່າເປັນການເຕີບໂຕອີກບາດກ້າວຂອງການຂະຫຍາຍຕົວຂອງອຸດສາຫະກໍາເກມຂອງໂລກນີ້ເລີຍກໍ່ວ່າໄດ້. ຫຼັງຈາກນີ້, ຫວັງວ່າຈະໄດ້ຮັບການຍອມຮັບຈາກຜູ້ຄົນໃນວົງກ້ວາງຫຼາຍຂຶ້ນ.

ຂອບໃຈຂໍ້ມູນ ແລະ ພາບປະກອບຈາກ : GAMEK.VN