ແມນຢູ ຕ້ອງຈ່າຍ 100 ລ້ານປອນ ຖ້າຢາກໄດ້ ເຄນ ເສີມຄົມລະດູການນີ້

ສື່ຊື່ດັງລາຍງານວ່າ ແມນເຊສເຕີ ຢູໄນເຕັດ ລ໊ອກເປົ້າຢາກໄດ້ ແຮຣີ ເຄນ ມາຮ່ວມທີມໃນລະດູການນີ້ ແຕ່ພວກເຂົາຕ້ອງກ້າຈ່າຍເງິນຈຳນວນມະຫາສານເຖິງ 100 ລ້ານປອນ ຕາມທີ່ ສະເປີ ຕ້ອງການ ບໍ່ດັ່ງນັ້ນ ພວກເຂົາຈະບໍ່ປ່ອຍຫົວຫນ້າທີມສະເປີເດັດຂາດ.

‘‘ The Athletic’’ ລາຍງານວ່າ ແມນເຊສເຕີ ຢູໄນເຕັດ ກຽມສ້າງທີມໃຫມ່ຫລັງຈົບລະດູການນີ້ ໂດຍຫນຶ່ງໃນເປົ້າຫມາຍສຳຄັນຂອງທີມ ກໍຄືການຫາກອງຫນ້າຄົນໃຫມ່ທີ່ມີຄວາມສຽບຄົມໃນການຍິງປະຕູ ເນື່ອງຈາກພວກເຂົາບໍ່ແນ່ໃຈກ່ຽວກັບອະນາຄົດຂອງ ຄຣິສຕຽນໂນ ໂຣນັລໂດ.

ຂະນະທີ່ ເອດີສັນ ຄາວານີ ດາວຍິງທີມຊາດ ອຸຣຸໄກວ ກໍກຽມທີ່ຈະໂບກມືອຳລາທີມ ຫລັງຫມົດສັນຍາຕົ້ນສັງກັດ ສ່ວນ ອອງໂຕນີ ມາຊີຢາລ ກັບ ມາຄັສ ແຣສຟອດ ກໍຍັງບໍ່ແນ່ນອນວ່າຈະຢູ່ກັບທີມຕໍ່ໄປບໍ່.

ສຳລັບເປົ້າຫມາຍຕົ້ນຕໍຂອງແມນຢູ ນັ້ນກໍຄື ກອງຫນ້າຫົວຫນ້າທີມຊາດອັງກິດ ເຊິ່ງຕ້ອງພາດຍ້ຍາໄປຫລິ້ນໃຫ້ກັບ ແມນເຊສເຕີ ຊິຕີ ເມື່ອລະດູການຜ່ານມາ.

ແນວໃດກໍຕາມປະທານສະໂມສອນສະເປີ ກໍໄດ້ສະແດງຢ່າງຈະແຈ້ງວ່າ ຖ້າຢາກໄດ້ດາວຍິງອາຍຸ 29 ປີ ໄປຮ່ວມທີມກໍຕ້ອງຍອມຈ່າຍບໍ່ຕຳ່ກວ່າ 100 ລ້ານປອນ.

ສຳລັບ ເຄນ ຍິງໄປແລ້ວ 22 ປະຕູ ຈາກ 41 ເກມໃຫ້ກັບສະເປີ ໃນລະດູການນີ້ ບໍ່ແມ່ນເປົ້າຫມາຍດຽວໃນການເສີມທີມຂອງແມນຢູໄລຍະຕະຫລາດນັກເຕະລະດູການນີ້ ເພາະພວກເຂົາຍັງຫວັງຈະຄວ້າກອງກາງຕົວຮັບ ກັບ ກອງກາງຕົວບຸກ ແລະ ປີກຂວາເພີ່ມອີກ.