ເລວານດອບສະກີ ບັນລຸຂ້ໍຕົກລົງສ່ວນຕົວກັບທີມດັງໃນລີກສະເປນ

ເວັບໄຊສະປອດ ລາຍງານວ່າ : ບາເຊໂລນາ ທີມດັງແຫ່ງລີກ ລາ ລີກາ ສະເປນບັນລຸຂໍ້ຕົກລົງສ່ວນຕົວກັບ ໂຣເບີດ ເລວານດອບສະກີ ກອງຫນ້າຕົວເກ່ັງຂອງ ບາເຢິນ ມິວນິກ ຮຽບຮ້ອຍແລ້ວ.

ລາຍງານລະບຸວ່າ ໂຣເບີດ ເລວານດອບສະກີ ກອງຫນ້າທີມຊາດໂປແລນ ຕ້ອງການຍ້າຍອອກຈາກບາເຢິນ ມິວນິກ ເພື່ອຍ້າຍໄປຫລິ້ນກັບທີມດັງແຫ່ງ ລາ ລີກາ ສະເປນ ກັບບາເຊໂລນາ.

ແນວໃດກໍຕາມພວກເຂົາຕ້ອງພະຍາຍາມກ່ອມໃຫ້ ບາເຢິນ ມິວນິກ ຍອມຂາຍກອງຫນ້າຄົນນີ້ອອກຈາກຖິ່ນ ອັລລີອັນ ອາຣີນາ ໃຫ້ໄດ້.

ທັງນີ້ມີການເປີດເຜີຍວ່າບາເຊໂລນາ ພ້ອມທີ່ຈະຈ່າຍຄ່າຕົວຂອງ ເລວານດອບສະກີ ໃນລາຄາ 50 ລ້ານປອນ ເພື່ອດຶງຕົວໃຫ້ລາວມາຫລິ້ນໃນຖິ່ນຄຳນູໃນປີນີ້.