ຄວາມສໍາເລັດທີ່ເເທ້ຈິງບໍ່ເເມ່ນເງິນທອງ ແຕ່ວັດກັນທີ່ວ່າມີຄົນຮັກເຈົ້າຫລາຍເທົ່າໃດ

ຄວາມສໍາເລັດທີ່ເເທ້ຈິງບໍ່ເເມ່ນເງິນທອງ ແຕ່ວັດກັນທີ່ວ່າມີຄົນຮັກເຈົ້າຫລາຍເທົ່າໃດ?
Warren Buffett ເປັນນັກທຸລະກິດຊາວອາເມລິກາ ໂດຍໄດ້ຮັບການຍົກຍ້ອງວ່າເປັນນັກລົງທຶນທີ່ປະສົບຜົນສຳເລັດ ຫລາຍດ້ານ ຫຼື ຫລາຍຄົນໃຫ້ສາຍາວ່າ ເປັນບິດາແຫ່ງການລົງທຶນທີ່ເນັ້ນຄຸນຄ່າ (Value Investment “VI”) ຈົນກາຍເປັນເປັນຕົ້ນແບບໃຫ້ຫລາຍໆຄົນ ເຊິ່ງລາວເລີ່ມຕົ້ນດວ້ຍການອົດອອມ ແລະ ການຫາລາຍໄດ້ດ້ວຍຕົວເອງຕັ້ງແຕ່ການຂາຍນໍ້າອັດລົມໂຄ້ກ ເປັນຄົນສົ່ງໜັງສືພີມ ແລະ ເລີ່ມລົງທຶນຊື້ຮຸ້ນເເຕ່ອາຍຸ 11 ປີ ຈົນກາຍເປັນບໍລິສັດ Berkshire Hathaway ເປັນບໍລິສັດໃຫຍ່ອັນດັບ 7 ຂອງໂລກ ແລະ ລາວເອງກໍ່ກາຍເປັນມະຫາເສດຖີອັນດັບ 3 ຂອງໂລກໃນປະຈຸບັນ
ເຮົາຈະມາເບິ່ງແນວຄິດການໃຊ້ຊີວິດຂອງ Warren Buffett ທີ່ເຮົາສາມາດຮຽນຮູ້ ແລະ ນຳໄປພັດທະນາຕົວເອງໄດ້
1. ລົງທຶນຕົວເອງ
Warren Buffett ບອກທຸກເທື່ອວ່າ ການລົງທຶນດີທີ່ສຸດຄືການລົງທຶນໃນໂຕເອງ ຖ້າເຮົາລົງທຶນຕົວເອງເທົ່າໃດ ຍິ່ງເຮັດໃຫ້ໂຕເອງມີຄວາມຮູ້ ແລະ ມີຄຸນຄ່າເທົ່ານັ້ນ
2. ອ່ານໜັງສື
Warren Buffett ເປັນຄົນມັກອ່ານໝັງສືຫລາຍເປັນພິເສດ ລາວເປັນຄົນອ່ານໝັງສືສະເລ່ຍ 5-6 ຊົ່ວໂມງຕໍ່ມື້ ອ່ານທຸກມື້ ຫຼື ໄລ່ເປັນ 500 ໝ້າຕໍ່ມື້ ແລະ ລາວໃຫ້ທັດສະນະຄະຕິ ຖ້າເຮົາຢາກມີລາຍໄດ້ເພີ່ມຂຶ້ນ ຢາກເກັ່ງຂຶ້ນ ເຮົາຕ້ອງໜັ່ນອ່ານໝັງສືຫາຄວາມຮູ້ຢ່າງສະໜໍ່າເໜີ
3. ມີລະບຽບວິໄນຕົວເອງ
ເຮົາບໍ່ຈໍາເປັນຕ້ອງສະຫຼາດກວ່າຄົນອື່ນ ເຮົາພຽງເເຕ່ມີລະບຽບວິໄນ ຫລາຍກວ່າຄົນອື່ນເທົ່ານັ້ນເອງ ເຊີ່ງຄວາມສໍາເລັດບໍ່ໄດ້ວັດທີ່ IQ ແຕ່ຢູ່ທີ່ລະບຽບວິໄນຫລາຍກວ່າ ຖ້າເຮົາຮັກສາວິໄນໄດ້ ໄລຍະຜ່ານໄປມັນສົ່ງຜົນຕໍ່ເຮົາຢ່າງມະຫາສານ
4. ລົງມືເຮັດເພື່ອອານາຄົດທີ່ດີຂຶ້ນ
ເຮົາສາມາດນັ່ງຢູ່ກ້ອງກົກໄມ້ໃຫຍ່ໃນວັນນີ້ໄດ້ ເພາະດົນມາແລ້ວມີຄົນມາປູກຕົ້ນໄມ້ຕົ້ນນີ້ໄວ້ ທຸກຄວາມສຳເລັດທີ່ເຮົາໄດ້ຮັບໃນວັນນີ້ເປັນຜົນມາຈາກຄວາມພະຍາຍາມເຮົາໃນອາດິດທັ້ງນັ້ນ ດັ່ງນັ້ນຖ້າເຮົາຕ້ອງການອານາຄົດທີ່ດີຂຶ້ນ ເຮົາຕ້ອງລົງມືເຮັດຕັ້ງແຕ່ຕອນນີ້ໄປ
5. ທັກສະດ້ານການສື່ສານ.
Warren Buffett ຕອນຍັງນ້ອຍເປັນຄົນຂີ້ອາຍສຸດໆ ແລະ ສັງຄົມເລີ່ມເປີດກວ້າງຂຶ້ນ ລາວຄິດວ່າທັກສະການສື່ສານມີຄວາມສໍາຄັນກັບລາວຫລາຍ ລາວຕັດສິນໃຈຈ່າຍເງີນຊື້ (ລາວຈ່າຍຊື້ສິ່ງຂອງໃດໜື່ງຕ້ອງມີເຫດແລະ ຜົນມາກ່ອນ) Course ການສື່ສານ ເຊິ່ງລາວບອກວ່າທັກສະດັ່ງກ່າວມີຄວາມສໍາຄັນເທົ່າ 1 ໃບປະກາດເລີຍກໍວ່າໄດ້ ເພາະເປັນສິ່ງທີ່ຄົນເຮົາທຸກຄົນຕ້ອງໄດ້ໃຊ້ທັ້ງຊີວິດ
6. ການບໍລິຫານເວລາ.
ຄົນທີ່ສໍາເລັດທຸກຄົນຈະໃຫ້ຄວາມສໍາຄັນກັບເວລາສ່ວນຫລາຍ ເຊີ່ງພວກເຂົາຈະຈັດສັນເວລາໃຫ້ໄດ້ຢ່າງມີປະສິດທິພາບ ແລະ ເກີດປະໂຫຍດຫລາຍທີ່ສຸດເຊັ່ນ: ການພັດທະນາໂຕເອງ, ຮູ້ຈັກຈັດລໍາດັບຄວາມສໍາຄັນໃນສິ່ງທີ່ຈະເຮັດຕ່າງໆໃນເເຕ່ລະວັນໃຫ້ມີປະສິດທິພາບສູງສຸດ
7. ບາງເທື່ອຕ້ອງຮູ້ຈັກປະຕິເສດ.
ຈຸດຕັດສິນລະຫວ່າງຄົນທີ່ສໍາເລັດ ແລະ ຄົນທີ່ບໍ່ສໍາເລັດ ບາງເທື່ອກໍ່ຄື ຄົນທີ່ປະສົບຜົນສໍາເລັດຈະຮູ້ຈັກບັງຄັບໃຈໂຕເອງເຊັ່ນ: ປະຕິເສດຊື້ເຄື່ອງທີ່ບໍ່ຈໍາເປັນ, ສິ່ງຂອງຟຸ່ມເຟືອຍ ຫຼື ປະຕິເສດວຽກທີ່ບໍ່ມີຄວາມສໍາຄັນອອກໄປ ເພາະຖ້າເຮົາບໍ່ຮູ້ຈັກປະຕິເສດສິ່ງທີ່ບໍ່ຈໍາເປັນ ຫຼື ບໍ່ສໍາຄັນອອກໄປ ສຸດທ້າຍເຮົາກໍ່ຈະບໍ່ເຫລືອເວລາໄປເຮັດສິ່ງທີ່ສໍາຄັນແທ້ໆ. ດັ່ງນັ້ນ ສິ່ງໃດທີ່ບໍ່ສໍາຄັນແທ້ໆ ຫຼື ບໍ່ໄດ້ເຮັດໃຫ້ເຮົາສູ່ເປົ້າໝາຍໄດ້ ເຮົາກໍຕ້ອງກ້າທີ່ຈະປະຕິເສດ
8. ຄົບຄົນທີ່ດີກວ່າເຮົາ.
Warren Buffett ແນະນໍາສະເໜີວ່າ ໃຫ້ເຮົາຄົບຄົນທີ່ດີ ແລະ ເກັ່ງກວ່າເຮົາ ສຸດທ້າຍຈະເຮັດໃຫ້ເຮົາເຄື່ອນຕົວໄປໃນທິດທາງດຽວກັບຄົນທີ່ເຮົາຄົບນໍາ ດັ່ງນັ້ນ ຄົນອ້ອມໂຕເຮົາຕ້ອງດີກວ່າເຮົາ ເກັ່ງກວ່າເຮົາ ແລະ ສະຫລາດກວ່າເຮົາ
9. ໃຊ້ຊີວິດໃຫ້ມີເປົ້າໜາຍ.
Warren Buffett ແນະນໍາໃຫ້ເຮົາລອງໃຊ້ຊີວິດຄ້າຍກັບວ່າ ມື້ອື່ນສິ່ງທີ່ເຮົາຈະເຮັດທັ້ງໜົດ ຈະຕ້ອງຂຶ້ນໜ້າໝື່ງໃນໝັງສືພີມ ເຊີ່ງມັນຈະເຮັດໃຫ້ເຮົາໃຊ້ຊີວິດທີ່ມີຄວາມໜາຍ.
ແລະ ສຸດທ້າຍມີຄົນຖາມ Warren Buffett ຄວາມສໍາເລັດເປັນເເນວໃດ? ລາວຕອບວ່າ ຖ້າເຈົ້າມີອາຍຸເທົ່າຂ້ອຍເຈົ້າຈະຮູ້ວ່າ ຄວາມສໍາເລັດທີ່ເເທ້ຈິງບໍ່ເເມ່ນເງິນທອງ ແຕ່ວັດກັນທີ່ວ່າມີຄົນຮັກເຈົ້າຫລາຍເທົ່າໃດ? ບໍ່ວ່າຈະເປັນຄອບຄົວ, ລູກ, ໝູ່ຄູ່, ພີ່ນ້ອງ ຖ້າເຈົ້າເປັນຄົນດີເເລ້ວມີຄົນຮັກເຈົ້ານັ້ນເອີ້ນວ່າ “ຄວາມສໍາເລັດ” ທີ່ເເທ້ຈິງ