ເຣອັນ ມາດຣິດ ພ້ອມປ່ອຍ ອາຊາ ແລະ ນັກເຕະອີກ 9 ຄົນ ເພື່ອນຳເງິນມາສູ່ຂໍ ເອັມບັບເປ

‘‘ Goal ’’ ສື່ກິລາຊັ້ນນຳລະດັບໂລກເປີດເຜີຍວ່າ ເຣອັນ ມາດຣິດ ຍອດທີມໃນ ລາ ລີກາ ສະເປນ ກຽມວາງແຜນປ່ອຍນັກເຕະເຖິງ 10 ຄົນ ເພື່ອເປັນການຫລຸດຄ່າໃຊ້ຈ່າຍ ລວມເຖິງນຳເງິນມາຊື້ນັກເຕະລາຄາແພງທີ່ສຸດໃນໂລກ ຄີລຽນ ເອັມບັບເປ ກອງຫນ້າທີມຊາດຝຣັ່ງທີ່ຕົກເປັນຂ່າວມາໂດຍຕະຫລອດໃນຫລາຍລະດູການຜ່ານມາ.

ການຄວ້າ ເອັມບັບເປ ຄືຫນຶ່ງໃນເປົ້າຫມາຍສຳຄັນຂອງ ຣາຊັນ ຊຸດຂາວ ເພາະເຊື່ອວ່າຈະເປັນຫນຶ່ງໃນກະແຈສຳຄັນໃນໄລຍະຍາວທີ່ຈະພາທີມປະສົບຄວາມສຳເລັດກັບການຄວ້າແຊ໊ມທັງລາຍການໃນປະເທດ ລວມເຖິງ ຢູຟາ ແຊ໊ມປຽນລີກ.

ໂດຍ ເຣອັນ ມາດຣິດ ມີນັກເຕະທີ່ຕ້ອງການປ່ອຍອອກຈາກທີມ ເຊິ່ງສາມາດຈຳແນກໄດ້ເປັນ 3 ຮູບແບບດັ່ງນີ້ :

1. ນັກເຕະທີ່ພະຍາຍາມຂາຍອອກຈາກທີມ ມີທັງຫມົດ 4 ຄົນໄດ້ແກ່ ເອເດັນ ອາຊາ, ລູກາ ໂຢວິດ, ມາເຣຍໂນ ດີອາສ ແລະ ເຄຊຸດ ບາເຢໂຄ.
2. ນັກເຕະບໍ່ໄດ້ຈະປ່ອຍອອກ ແຕ່ສະຖານະການບັງຄັບເນື່ອງຈາກເງື່ອນໄຂສັນຍາ ມີ 2 ຄົນຄື ມາໂກ ອາເຊນຊີ ແລະ ດານີ ເຊບາຢອສ.

ສຳລັບ ຄີລຽນ ເອັມບັບເປ ຖືກປະເມີນຄ່າຕົວຈາກ ທຣານສະເຟີມາເກັດ ເວັບໄຊປະເມີນມູນຄ່ານັກເຕະຊັ້ນນຳ ໄລຍະຕົ້ນປີທີ່ຜ່ານມາ ມີຄ່າຕົວຢູ່ທີ່ 160 ລ້ານຢູໂຣ ເຊິ່ງເປັນຄ່າຕົວທີ່ແພງທີ່ສຸດໃນໂລກ.