ຂໍ້ຄິດທີ່ໄດ້ຈາກການເຮັດວຽກປະຈໍາຄົບ 10 ປີ

ມື້ນີ້ພວກເຮົາມີບາງຂໍ້ຄິດທີ່ໄດ້ຈາກການເຮັດວຽກປະຈຳຄົບ 10 ປີຈາກຫລາຍໆຄົນມາເຕືອນສະຕິທຸກທ່ານ :

1. ວິທີການຂຶ້ນເງິນເດືອນທີ່ໄວທີ່ສຸດແມ່ນການຍ້າຍວຽກ ບໍ່ແມ່ນຂຶ້ນຕຳແໜ່ງໃນບໍລິສັດເກົ່າ.
2. ຄອບຄົວແມ່ນສິ່ງສຳຄັນທີ່ສຸດ ບໍລິສັດບໍ່ຮັກທ່ານເທົ່າກັບຄອບຄົວຂອງທ່ານແນ່ນອນ.
3. ຢ່າເຮັດວຽກຈົນຖືເບົາສຸຂະພາບຂອງຕົນເອງ.
4. ຄົນທີ່ເວົ້າແຕ່ເລື່ອງໃຫ້ທ່ານເສຍສະຫລະທຸກຢ່າງ, ຖວາຍໂຕໃຫ້ວຽກຫ້ອງການຄືກັບເປັນເຮືອນ ຕ້ອງເລືອກວຽກເດິກໆຊຳ້ໄປຊຳ້ມາ ແມ່ນຄົນທີ່ຕົວະໃຊ້ທ່ານ ເພື່ອຄວາມຈະເລີນຂອງພວກເຂົາເອງ.
5. ຄົນທີ່ຈະເລີນໄດ້ຍ້ອນນຳສະເໜີວຽກເກັ່ງ, ສະຫລຸບວຽກເກັ່ງ, ແຕ່ເຮັດວຽກບໍ່ໄດ້ເລື່ອງຫຍັງເລີຍມີຢູ່ແທ້ ທ່ານເໜືອກ່ວາພວກເຂົາໄດ້ ໂດຍການເຮັດວຽກໃຫ້ເກັ່ງນຳ ແລະ ນຳສະເໜີຕົນເອງເກັ່ງນຳ.
6. ຄວນເກັບທ້ອນຕັ້ງແຕ່ປີທຳອິດຂອງການເຮັດວຽກ ເພາະປີທຳອິດຂອງການເຮັດວຽກທ່ານຈະມ່ວນກັບການໃຊ້ເງິນຈົນລືມທ້ອນເງິນ.
7. ຫລາຍຄົນອາດເຄີຍເຮັດວຽກແບບຖວາຍຫົວ ແບບຖິ້ມທຸກຢ່າງ ຖິ້ມເຮືອນ ຖິ້ມຄອບຄົວ ຖິ້ມໝູ່ເພື່ອນ ເພື່ອວຽກ ເພື່ອລູກຄ້າ ເພື່ອບໍລິສັດ ແລະ ສຸດທ້າຍກໍໄດ້ຮຽນຮູ້ວ່າ ຜົນຕອບແທນທີ່ໄດ້ຮັບ ບໍ່ວ່າຈະເປັນເງິນ, ລົມປາກ, ເຂົ້າຟຣີ ມັນຊົດເຊີຍສິ່ງທີ່ເສຍໄປບໍ່ໄດ້ເລີຍ.
8. ຕອນທ່ານໄປລົມເລື່ອງຂໍລາອອກ ຖ້າເຂົາສະເໜີຕຳແໜ່ງໃຫ້ຫາກທ່ານຢູ່ຕໍ່ ນັ້ນເປັນເລື່ອງຫລອກລວງ 100% ເພາະເຖິງທ່ານຈະຢູ່ຕໍ່ກໍບໍ່ໄດ້ຮັບການເລື່ອນຕຳແໜ່ງໃນທັນທີດອກ.
9. ຄວາມສາມາດໃນການຂົນຂວາຍຫາຄວາມຮູ້ດ້ວຍຕົນເອງ ແລະ ກ້າທີ່ຈະລອງຜິດລອງຖືກ ຈະຊ່ວຍໃຫ້ທ່ານໄປໄດ້ໄກກ່ວາຄົນທີ່ງໍມືລໍຖ້າຄົນອື່ນມາສອນ.
10. ເພື່ອນຮ່ວມງານມີທັງ ເພື່ອນ ແລະ ຄົນຮູ້ຈັກ ຢ່າໄປຄາດຫວັງວ່າທຸກຄົນຈະເປັນເພື່ອນທີ່ຈິງໃຈກັບທ່ານ.
11. ຈົ່ງພະຍາຍາມຮຽນຮູ້ສິ່ງຕ່າງໆນອກເໜືອຈາກຫຍັງທີ່ກ່ຽວກັບວຽກທີ່ທ່ານເຮັດຢູ່ສະເໝີ. ຫລາຍຢ່າງທີ່ທ່ານບໍ່ຄິດວ່າມັນຈະກ່ຽວຂ້ອງກັບວຽກ ມັນສາມາດເອົາມາປະຍຸກໃຊ້ກັບວຽກໄດ້.
12. ພາສາອັງກິດສຳຄັນຫລາຍ.
13. ຈົ່ງໃຊ້ມື້ພັກປະຈຳປີໃຫ້ເຕັມທີ່ ຢ່າເກງໃຈ ມັນເປັນສິດຂອງທ່ານ.
14. ຄວາມອົດທົນ ໃຈເຢັນ ສຳຄັນຫລາຍ ຈົ່ງຝຶກເຮັດໜ້າຍິ້ມ, ແຕ່ດ່າໃນໃຈໄວ້ນຳ.