ແມນຢູ-ເຊລຊີ-ລີເວີພູລ ເປີດເສິກຍາດກອງກາງດາວຮຸ່ງຂອງບາເຊໂລນາ

ເດລີ ເມລ ສື່ກິລາຊື່ດັງຂອງອັງກິດ ລາຍງານວ່າ ແມນເຊສເຕີ ຢູໄນເຕັດ, ເຊລຊີ ແລະ ລີເວີພູລ 3 ສະໂມສອນຈາກ ພຣີເມຍລີກ ອັງກິດ ຕົກເປັນຂ່າວວ່າພວມມີແຜນການທີ່ຄວ້າ ກາບີ ກອງກາງສາລະພັດປະໂຫຍດອາຍຸ 17 ປີ ຈາກ ບາຊາໂລນາ ຫລັງຈົບລະດູການນີ້.

ມີລາຍງານວ່າ ທັງ 3 ສະໂມສອນພວມຈັບຈ້ອງສະຖານະການຂອງ ກາບີ ໃນເວລານີ້ ເນື່ອງຈາກນັກເຕະເຫລືອສັນຍາອີກພຽງ 1 ປີ ເທົ່ານັ້ນ ແລະ ເປັນການເປີດຊ່ອງໃຫ້ສາມາດຍື່ນຂໍ້ສະເໜີຄວ້າຕົວໃນໄລຍະຫລັງຈົບລະດູການນີ້ໄດ້ ດ້ວຍຄ່າຕົວຄາດວ່າຈະບໍ່ແພງຫລາຍ ແນວໃດກໍຕາມ ມີລາຍງານວ່າ ບາເຊໂລນາ ຕັ້ງໃຈຈະຂາຍນັກເຕະໃນລາຄາ 42 ລ້ານປອນ.

ສຳລັບ ກາບີ ເປັນອະດີດເດັກເຍົາວະຊົນຂອງ ເຣອັນ ມາດຣິດ ກ່ອນຈະຍ້າຍມາຢູ່ກັບ ບາເຊໂລນາ ໃນປີ 2015 ແລະ ໃຊ້ເວລາ 6 ປີ ກ້າວຂັ້ນຈາກຊຸດ ຢູ-19 ຂຶ້ນມາເປັນຊຸດໃຫຍ່ໃນອາຍຸພຽງ 17 ປີເທົ່ານັ້ນ ຜົນງານໃນລະດູການນີ້ລົງຫລິ້ນໄປທັງຫມົດ 34 ນັດໃນທຸກລາຍການ ຍິງໄປແລ້ວ 2 ປະຕູ ກັບອີກ 5 ແອສຊິສ.