ປະກາດການຈັດຕັ້ງຍົກຍ້າຍ-ແຕ່ງຕັ້ງ ສັບຊ້ອນພະນັກງານຮັບໜ້າທີ່ໃໝ່

ວັນທີ 11 ມີນາ 2022 ທີ່ກະຊວງການເງິນ, ໄດ້ມີການປະກາດການຈັດຕັ້ງຍົກຍ້າຍ ແລະ ແຕ່ງຕັ້ງພະນັກງານຮັບໜ້າທີ່ໃໝ່ຢູ່ກົມຄຸ້ມຄອງໜີ້ສິນສາທາລະນະ ແລະ ກົມເຕັກໂນໂລຊີຂໍ້ມູນຂ່າວສານການເງິນ ກະຊວງການເງິນ, ໂດຍການເປັນປະທານຂອງທ່ານ ປອ ບຸນເຫຼືອ ສິນໄຊວໍຣະວົງ ຮອງລັດຖະມົນຕີກະຊວງການເງິນ, ມີຫົວໜ້າກົມ, ຮອງຫົວໜ້າກົມ, ພ້ອມດ້ວຍພະນັກງານຫຼັກແຫຼ່ງຂອງທັງສອງກົມເຂົ້າຮ່ວມ.

ໂອກາດດັ່ງກ່າວ,ທ່ານ ກົງຄໍາ ສິດທິວໍລະດາ ຫົວໜ້າກົມຈັດຕັ້ງ ແລະ ພະນັກງານ ໄດ້ຜ່ານຂໍ້ຕົກລົງຂອງລັດຖະມົນຕີກະຊວງການເງິນວ່າດ້ວຍການຕົກລົງແຕ່ງຕັ້ງຮອງຫົວໜ້າກົມ, ຮອງຫົວໜ້າພະແນກຂອງກົມຄຸ້ມຄອງໜີ້ສິນສາທາລະນະ ແລະ ຂໍ້ຕົກລົງວ່າດ້ວຍການຍົກຍ້າຍ ແລະ ແຕ່ງຕັ້ງພະນັກງານຮັບໜ້າທີ່ໃໝ່ຢູ່ກົມເຕັກໂນໂລຊີຂໍ້ມູນຂ່າວສານການເງິນ.

ລັດຖະມົນຕີກະຊວງການເງິນຕົກລົງແຕ່ງຕັ້ງ: ທ່ານ ເທີດທູນ ສຸກອາລຸນ ຫົວໜ້າພະແນກຂອງກົມຄຸ້ມຄອງໜີ້ສິນສາທາລະນະ ເປັນຮອງຫົວໜ້າກົມຄຸ້ມຄອງໜີ້ສິນສາທທາລະນະ; ແຕ່ງຕັ້ງທ່ານ ອຸປະກອນ ເທບພະວົງ ເປັນຮອງຫົວໜ້າພະແນກຄຸ້ມຄອງການກູ້ຢືມຕໍ່ ແລະ ການຄໍ້າປະກັນ; ແຕ່ງຕັ້ງທ່ານ ຈິດຕະກອນ ຈັນທິລາດ ເປັນຮອງຫົວໜ້າພະແນກຄຸ້ມຄອງການກູ້ຢືມຕໍ່ ແລະ ການຄໍ້າປະກັນ; ແຕ່ງຕັ້ງ ທ່ານ ອາພິສິດ ໄຊອຸດົມ ພະນັກງານວິຊາການ ເປັນຮອງຫົວໜ້າພະແນກຄຸ້ມຄອງບໍລິຫານໜີ້ສິນ; ແຕ່ງຕັ້ງ ທ່ານ ນາງ ວັນວິສາ ຫຼວງສຸພົນ ເປັນຮອງຫົວໜ້າພະແນກຄຸ້ມຄອງໂຄງການ ກົມຄຸ້ມຄອງໜີ້ສິນສາທາລະນະ ກະຊວງການເງິນ.

ລັດຖະມົນຕີກະຊວງການເງິນຕົກລົງຍົກຍ້າຍ ແລະ ແຕ່ງຕັ້ງ:ທ່ານ ສີສົມພອນ ໄຊຍະສິດ ຫົວໜ້າພະແນກຄຸ້ມຄອງເຄື່ອຄ່າຍ ແລະ ຄວາມປອດໄພ ເປັນຫົວໜ້າພະແນກພັດທະນາລະບົບ ແລະ ຝຶກອົບຮົມ; ແຕ່ງຕັ້ງທ່ານ ພຸດທະວົງ ໄຊຍະສິດ ເປັນຮອງຫົວໜ້າພະແນກພັດທະນາລະບົບ ແລະ ຝຶກອົບຮົມ; ແຕ່ງຕັ້ງທ່ານ ນາງ ອານຸທິບ ວັນນະບຸບຜາ ເປັນຫົວໜ້າພະແນກຄຸ້ມຄອງຊຸດຄໍາສັ່ງ ແລະ ຖານຂໍ້ມູນ; ແຕ່ງຕັ້ງທ່ານ ແອລາວັນ ສິງຊົມພູ ເປັນຮອງຫົວໜ້າພະແນກຄຸ້ມຄອງຊຸດຄໍາສັ່ງ ແລະ ຖານຂໍ້ມູນ; ຍົກຍ້າຍ ແລະ ແຕ່ງຕັ້ງທ່ານ ພອນໄຊ ພິມມະສານ ຮອງຫົວໜ້າພະແນກຄຸ້ມຄອງເຄື່ອຄ່າຍ ແລະ ຄວາມປອດໄພ ເປັນຮອງຫົວໜ້າພະແນກຄຸ້ມຄອງຊຸດຄໍາສັ່ງ ແລະ ຖານຂໍ້ມູນ.

ຍົກຍ້າຍ ແລະ ແຕ່ງຕັ້ງທ່ານ ຈັນມີນາ ປາມະນີວົງ ຫົວໜ້າພະແນກຄົ້ນຄວ້າ ແລະ ພັດທະນາ ເປັນຫົວໜ້າພະແນກຄຸ້ມຄອງເຄື່ອຄ່າຍ ແລະ ຄວາມປອດໄພ; ຍົກຍ້າຍ ແລະ ແຕ່ງຕັ້ງທ່ານ ມະນີວົງ ອໍາພອນພົງ ຮອງຫົວໜ້າພະແນກຄຸ້ມຄອງຊຸດຄໍາສັ່ງ ແລະ ຖານຂໍ້ມູນ ເປັນຮອງຫົວໜ້າພະແນກຄຸ້ມຄອງເຄື່ອຄ່າຍ ແລະ ຄວາມປອດໄພ;ຍົກຍ້າຍ ແລະ ແຕ່ງຕັ້ງທ່ານ ນາງ ທອງວິນ ສີຫາຈັກ ຮອງຫົວໜ້າພະແນກຄົ້ນຄວ້າ ແລະ ພັດທະນາ ເປັນຜູ້ຮັກສາການຫົວໜ້າພະແນກກວດສອບ ແລະ ບໍາລຸງຮັກສາລະບົບ; ຍົກຍ້າຍ ແລະ ແຕ່ງຕັ້ງທ່ານ ບຸນໄທ ບູລົມມະວົງ ຮອງຫົວໜ້າພະແນກຄົ້ນຄວ້າ ແລະ ພັດທະນາ ເປັນຮອງຫົວໜ້າພະແນກກວດສອບ ແລະ ບໍາລຸງຮັກສາລະບົບ; ຍົກຍ້າຍ ແລະ ແຕ່ງຕັ້ງທ່ານ ວັນນະຫົງ ອຸມາວົງ ຮອງຫົວໜ້າພະແນກຄຸ້ມຄອງເຄື່ອຄ່າຍ ແລະ ຄວາມປອດໄພ ເປັນຮອງຫົວໜ້າພະແນກກວດສອບ ແລະ ບໍາລຸງຮັກສາລະບົບ ກົມເຕັກໂນໂລຊີຂໍ້ມູນຂ່າວສານການເງິນ ກະຊວງການເງິນ.

ໃນໂອກາດນີ້, ທ່ານ ປອ ບຸນເຫຼືອ ສິນໄຊວໍຣະວົງ ຮອງລັດຖະມົນຕີກະຊວງການເງິນ ໄດ້ມີຄໍາເຫັນໂອ້ລົມ ວ່າ: ການປັບປຸງກົງຈັກການຈັດຕັ້ງ ແລະ ປັບປຸງຊັບຊ້ອນບຸກຄະລາກອນຄືນໃໝ່ເພື່ອປະຕິບັດໜ້າທີ່ການເມືອງທີ່ໄດ້ຮັບມອບໝາຍຕາມພາລະບົດບາດໃໝ່ໃຫ້ຜູ້ທີ່ໄດ້ຮັບການແຕ່ງຕັ້ງໃນຄັ້ງນີ້ຝຶກຝົນຫຼໍ່ຫຼອມຕົນເອງ,ສ້າງພະນັກງານໃຫ້ມີຄວາມຮູ້ເຂົ້າໃຈໃນວຽກງານໃຫ້ຫຼາຍຂຶ້ນ ແລະ ການປະກາດການຈັດຕັ້ງໃນຄັ້ງນີ້ລ້ວນແຕ່ເປັນກົມທີ່ມີບົດບາດສໍາຄັນເປັນກົມເສນາທິການຫຼັກໃນວຽກງານວາລະແຫ່ງຊາດຂອງກະຊວງການເງິນ, ເພື່ອປະຕິບັດຕາມການມອບໝາຍຂອງລັດຖະບານພາຍຫຼັງມີການປັບປຸງກົງຈັກການຈັດຕັ້ງ ແລະສືບຕໍ່ປະຕິບັດໜ້າທີ່ການເມືອງຢ່າງຕັ້ງໜ້າ, ສະກັດກັນການຮົ່ວໄຫຼ, ຍົກສູງຄວາມຮັບຜິດຊອບ ແລະ ຄົ້ນຄວ້າກົນໄກວິທີການເຮັດວຽກ ແລະ ສາມາດບັນລຸໄດ້ຕາມລະດັບຄາດໝາຍ.