ຊາລາ ອາດຍ້າຍທີມຢູ່ກັບຄູ່ແຂ່ງພຣີເມຍລີກ ຫາກໂບກມືລາລີເວີພູລ

Football insider ລາຍງານວ່າ ໂມຮາເຫມັດ ຊາລາ ປີກທີມອີຢິບຂອງ ລີເວີພູລ ອາດເຮັດເລື່ອງຊ໊ອກດ້ວຍການຍ້າຍທີມໄປຮ່ວມທີມຄູ່ແຂ່ງໃນການແຂ່ງຂັນພຣີເມຍລີກ ອັງກດ ຫາກຕ້ອງໂບກມືລາຖິ່ນແອນຟິລໃນອະນາຄົດອັນໃກ້ນີ້.

ສຳລັບ ຊາລາ ອາຍຸ 29 ປີ ພວມຈະຫມົດສັນຍາກັບ ລີເວີພູລ ໃນໄລຍະລະດູການປີ 2023 ແລະ ຈົນເຖິງຕອນນີ້ການຕໍ່ສັນຍາສະບັບໃຫມ່ກໍຍັງບໍ່ມີຄວາມຄືບຫນ້າແຕ່ຢ່າງໃດ ແລະ ຕາມລາຍງານຫລ້າສຸດລະບຸວ່າ ຫາກ ຊາລາ ບໍ່ສາມາດຕົກລົງສັນຍາສະບັບໃຫມ່ກັບ ລີເວີພູລ ໄດ້ ລາວກໍຍັງຄົງມີຄວາມປາຖະຫນາທີ່ຈະຫລິ້ນຢູ່ພຣີເມຍລີກ ອັງກິດ ຕໍ່ໄປ ນັ້ນຫມາຍຄວາມວ່າມີຄວາມເປັນໄປໄດ້ທີ່ອາດຈະໄດ້ເຫັນ ຊາລາ ໃນສີເສື້ອທີມອື່ນຂອງອັງກິດ ແລ້ວຕ້ອງມາກັບ ລີເວີພູລ.

ແລະ ເມື່ອເບິ່ງຈາກສະຖານະການທາງການເງິນຂອງສະໂມສອນໃນອັງກິດແລ້ວ ຄົງຈະມີພຽງ 2-3 ທີມເທົ່ານັ້ນທີ່ສາມາດຈ່າຍຄ່າເມື່ອຍລະດັບ 300,000-400,000 ປອນ/ອາທິດໄດ້ ທີ່ຄາດວ່າ ຊາລາ ຮຽກຮ້ອງໃນສັນຍາສະບັບໃຫມ່ກັບລີເວີພູລ.

ສຳລັບ ຊາລາ ສະແດງຜົນງານໄດ້ຢ່າງຮ້ອນແຮງ ຍິງໄປແລ້ວ 20 ປະຕູ ໃນພຣີເມຍລີກ ອັງກິດ ລະດູການນີ້ ນຳເປັນດາວຍິງສູງສຸດແຕ່ພຽງຄົນດຽວ.