ສະຫະພັນບານເຕະອາຊີບບໍ່ເຫັນດີກັບ ຢູຟາ ທີ່ອາດຈະປ່ຽນແປງຄັ້ງໃຫຍ່ໃນ ຢູໂຣ 2028
ສະຫະພັນບານເຕະຢູໂຣບ ຫລື ວ່າ ຢູຟາ (EUFA) ມີແຜນການທີ່ຈະເພີ່ມທີມໃນການແຂ່ງຂັນບານເຕະ ຢູໂຣ2028 ຈາກປັດຈຸບັນທີ່ມີຢູ່ 6 ກຸ່ມ 24 ທີມໃນການແຂ່ງຂັນຮອບສຸດທ້າຍ ຈະເພີ່ມເປັນ 32 ທີມໃນອີກ 6 ປີຂ້າງຫນ້າ.
ຢູຟາ ປັບຈາກເກ່ົາທີ່ມີ 16 ທີມ ມາເປັນ 24 ທີມໃນປີ 2016 ກ່ອນທີ່ມີແຜນກຽວທີ່ຈະປັບປ່ຽນອີກຄັ້ງຫນຶ່ງໃນປີ 2008 ທີ່ຄາດວ່າ ສະຫະຣາດອານາຈັກ 5 ຊາດ ເປັນເຈົ້າພາບໃນຄັ້ງນັ້ນ ແນວໃດກໍຕາມຄວາມຄິດນີ້ ພັດບໍ່ຖືກໃນ PFA ຫລື ສະມາຄົມນັກເຕະບານອາຊີບ ເນື່ອງຈາກພວກເຂົາເບິ່ງວ່າ ນອກຈາກຈະເສຍພາບລັກສະນະຂອງຢູໂຣແລ້ວນັ້ນ ຈະເຮັດໃຫ້ການແຂ່ງຂັນຍາວນານຂຶ້ນ ແລະ ນັກກິລາ ລວມເຖິງແຟນບານຈະເສຍຄ່າໃຊ້ຈ່າຍຫລາຍຂຶ້ນນຳອີກ ແລະບໍ່ເປັນຜົນດີຢ່າງແນ່ນອນ.
ສຳລັບ ຢູໂຣ 2028 ຍັງບໍ່ແນ່ໃຈວ່າຈະຈັດຂຶ້ນໃນປະເທດໃດ ແຕ່ຕາມຂໍ້ມູນຂ່າວເປີດເຜີຍວ່າ ສະຫະຣາດອານາຈັກ ນຳໂດຍ ອັງກິດ, ເວລ, ສະກັອດແລນ, ໄອແອລນເຫນືອ ແລະ ໄອແອນ ມີໂອກາດສູງງຫລາຍທີ່ຈະໄດ້ສິດເປັນເຈົ້າພາບການແຂ່ງຂັນໃນຄັ້ງນີ້ ແລະ ຈະມີການປະກາດຈຳນວນຊາດທີ່ລົງທຳການເຂົ້າຊີງການເປັນເຈົ້າພາບໃນເດືອນເມສານີ້ ແລະ ພາຍໃນເດືອນກັນຍາ ປີ 2023 ຈະສາມາດປະກາດເຈົ້າພາບຢ່າງເປັນທາງການ.
