ທູເຄິິລ ໂອເຄ, ຍັງມີຄວາມສຸກດີກັບ ເຊລຊີ ບໍ່ກັງວົນກັບສະຖານະການເຈົ້າຂອງທີມຄົນໃຫມ່

ໂທມັສ ທູເຄິລ ຜູ້ຈັດການທີມຊາວເຢຍລະມັນຂອງສະໂມສອນ ເຊລຊີ ອອກມາກ່າວເຖິງອະນາຄົດຂອງຕົນເອງ ຫລັງຈາກທີ່ທີມກຽມປ່ຽນເຈົ້າຂອງຄົນໃຫມ່ ຫລັງ ໂຣມັນ ອະບຣາໂມວິດ ຖືກກະແສກົດດັນຈົນຕ້ອງຂາຍທີມຈາກພິດສົງຄາມຣັສເຊຍ-ຢູເຄຣນ.

ໂຣມັນ ອະບຣາໂມວິດ ຖືກເຊື່ອມໂຍງວ່າໃຫ້ການສະຫນັບສະຫນູນ ຣັສເຊຍ ແລະ ມີຄວາມສະຫນິດສະຫນົມກັບ ວະລາດີເມຍ ປູຕິນ ປະທານາທິບໍດີຣັສເຊຍ ທີ່ສັ່ງກອງກຳລັງທະຫານໂຈມຕີປະເທດຢູເຄຣນ ຈົນມີຜູ້ເສຍຊີວິດເປັນຈຳນວນຫລາຍ ລວມເຖິງຄົນວັງການກິລານຳອີກ, ສະນັ້ນ ເຮັດໃຫ້ມະຫາເສດຖີອາຍຸ 55 ປີ ທີ່ພວມຖືກຄວ້ຳບາດບາດຢ່າງຫນັກ ແລະ ບໍ່ມີທາງເລືອກນອກຈາກຈະຕ້ອງຂາຍສະໂມສອນທີ່ລາວຊື້ກິດຈະການມາຕັ້ງແຕ່ປີ 2003 ໄປ ໂດຍທີ່ຕຳແຫນ່ງຜູ້ຈັດການທີມກໍເລີ່ມມີກະແສກ່າວເຖິງວ່າຈະມີການປ່ຽນແປງນຳຫລືບໍ່ ທ່າມກາງສະຖານະການທີ່ບໍ່ແນ່ນອນໃນຕອນນີ້ ”.

ຫລ້າສຸດ ໂທມັສ ທູເຄິລ ອອກມາກ່າວເຖິງເລື່ອງງນີ້ວ່າ : “ ຂ້ອຍບໍ່ມີບັນຫາຫຍັງດອກ ຂ້ອຍພ້ອມທີ່ຈະເຮັດວຽກກັບສະໂມສອນແຫ່ງນີ້ຕໍ່ໄປ ຂ້ອຍບອກຢູ່ສະເຫມີວ່າຂ້ອຍມີຄວາມສຸກດີກັບການເຮັດວຽກທີ່ອັງກິດ ບານເຕະຢູ່ນີ້ມີສິ່ງທີ່ສຸດຍອດ ແລະ ຫນ້າເຫລືອເຊື່ອຫລາຍ ໂອເຄວ່າສະຖານະການຂອງສະໂມສອນທີ່ກ່ຽວຂ້ອງກັບເຈົ້າຂອງທີມໃຫມ່ຍັງບໍ່ແນ່ນອນ ແຕ່ຂ້ອຍວ່າມັນບໍ່ມີຫຍັງທີ່ແນ່ນອນຢູ່ແລ້ວ ສຳລັບຜູ້ຈັດການທີມ ຂ້ອຍບອກເລີຍວ່າຂ້ອຍຄຸ້ນເຄີຍກັບມັນມາແລ້ວໃນຫລາຍໆຄັ້ງ ເອົາເປັນວ່າຕອນນີ້ຂ້ອຍຍັງເບິ່ງທຸກຢ່າງໃນແງ່ບວກ ແລະ ຫວັງວ່າທຸກຢ່າງຈະຜ່ານໄປໂດຍດີ.