ລາຄານ້ຳມັນດິບໂລກ ສືບຕໍ່ປັບເພີ່ມຂຶ້ນຢ່າງຕໍ່ເນື່ອງ

ຕາມຂ່າວຈາກ ນີວຢອກ,ວັນທີ3ມີນານີ້ລາຄານ້ຳມັນດິບໂລກສືບຕໍ່ປັບເພີ່ມຂຶ້ນ ຢ່າງຕໍ່ເນື່ອງ ໃນລະດັບ 2,68 ໂດລາ ສະຫະລັດ ມາເປັນ113,28 ໂດລາສະຫະລັດຕໍ່ຖັງ ໃນການຊື້-ຂາຍເທິງກະດານ ເອເລັກໂຕຣນິກ ຂອງຕະຫລາດແລກປ່ຽນການຄ້າ ນີວຢອກ(NIMEX), ເຊັ່ນດຽວກັບ ນ້ຳມັນດິບເບຣນຂອງອັງກິດ ປັບເພີ່ມຂຶ້ນ 3,61 ໂດລາສະຫະລັດ ເປັນມາ 116,54 ໂດລາສະຫະລັດຕໍ່ຖັງ ການປັບຂຶ້ນດັ່ງກ່າວ ໜ້ອຍກວ່າວັນທີ2ມີນາຜ່ານມາ ໂດຍເພີ່ມຂຶ້ນ 7ໂດລາສະຫະລັດຕໍ່ຖັງ.

ການປັບ ລາຄານ້ຳມັນຄັ້ງນີ້ ມີຂຶ້ນພາຍຫລັງ ຜູ້ນຳໃນກຸ່ມ ໂອເປັກ ພລັສ (OPEC Plus) ທີ່ປະກອບດ້ວຍປະເທດໃນກຸ່ມຜູ້ສົ່ງອອກນ້ຳມັນ ຫລື ໂອເປັກ ແລະ ປະເທດນອກກຸ່ມໂອເປັກຕັດສິນໃຈຮັກສາແຜນການຄ່ອຍເພີ່ມກຳລັງການຜະລິດຕໍ່ໄປ ໂດຍຈະເພີ່ມກຳລັງການຜະລິດບໍ່ເກີນມື້ລະ 400.000ຖັງ ໃນເດືອນເມສານີ້.

ຂ່າວຈາກ: ຂປລ