ທ່ານ ນາງ ມາຣີສ ເພນ, ລັດຖະມົນຕີກະຊວງການຕ່າງປະເທດ ແລະ ລັດຖະມົນຕີຮັບຜິດຊອບວຽກແມ່ຍິງ ແຫ່ງ ອົດສະຕຣາລີ ຈະມາຢ້ຽມຢາມ ສປປ ລາວ ໃນລະຫວ່າງວັນທີ 24-25 ກຸມພາ 2022
February 23, 2022 - 11:09 AM
ອີງຕາມການແຈ້ງຂ່າວຂອງ ກະຊວງການຕ່າງປະເທດ 22 ກຸມພາ 2022 ນີ້ວ່າ:
ທ່ານ ນາງ ມາຣີສ ເພນ, ລັດຖະມົນຕີກະຊວງການຕ່າງປະເທດ ແລະ ລັດຖະມົນຕີຮັບຜິດຊອບວຽກແມ່ຍິງ ແຫ່ງ ອົດສະຕຣາລີ ພ້ອມດ້ວຍຄະນະ ຈະເດີນທາງຢ້ຽມຢາມທາງການ ທີ່ ສປປ ລາວ ໃນລະຫວ່າງວັນທີ 24-25 ກຸມພາ 2022
ເປັນການຕອບສະໜອງຕາມຄຳເຊີນ ຂອງ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ເພື່ອເປັນການຮັດແໜ້ນສາຍພົວພັນມິດຕະພາບອັນຍາວນານ ແລະ ການຮ່ວມມືອັນດີງາມ ທັງເປັນການສະເຫຼີມສະຫຼອງ ການສ້າງຕັ້ງສາຍພົວພັນການທູດ ລະຫວ່າງ ສປປ ລາວ ແລະ ອົດສະຕຣາລີ ຄົບຮອບ 70 ປີ.
