ປະທານາທິບໍດີ ເຊເນກັລ ມອບເງິນອັດສີດພິເສດໃຫ້ ມາເນ ຫລັງເປັນແຊ໊ມບານເຕະຊີງແຊ໊ມແອຟຣິກາ

ພາຍຫລັງທີ່ທີມຊາດເຊເນກັລ ສາມາດເອົາຊະນະທີມຊາດອີຢິບ ຄວ້າແຊ໊ມການແຂ່ງຂັນບານເຕະຊີງແຊ໊ມແຫ່ງຊາດແອຟຣິກາ ຫລື Africa Nation Cup ໃນອາທິດທີ່ຜ່ານມາ ເຊິ່ງຖືເປັນແຊ໊ມສະໄຫມທຳອິດ ຫລັງຈາກໄດ້ພຽງຮອງແຊ໊ມ 2 ຄັ້ງໃນປີ 2002 ແລະ 2019.

ພາຍຫລັງທີ່ນຳຂັນແຊ໊ມກັບສູ່ບ້ານເກີດ ກໍໄດ້ມີການຕ້ອນຮັບຢ່າງອົບອຸ່ນ ແລະ ມາກີ ຊາລ ປະທານາທິບໍດີ ເຊເນກັລ ກໍໄດ້ມອບຫລຽນກຽດຕິຍົດໃຫ້ກັບນັກເຕະ ແລະ ທີມງານທຸກຄົນ ນອກຈາກນີ້ ຍັງມີລາຍງານວ່າ ຍັງມີການອັດສີກເງິນຈຳນວນ 50,000,000 ຟຣັງເຊຟາ ຫລືເທົ່າກັບ 87,178 ໂດລາສະຫະລັດ ພ້ອມທັງອະສັງຫາລິມມະຊັບໃຫ້ອີກຄົນລະ 1 ຫລັງນຳອີກ.

ນອກຈາກນີ້ ສຳລັບ ຊາດີໂອ ມາເນ ຫົວຫນ້າທີມຊາດເຊເນກັລ ປະທານາທິບໍດີກໍໄດ້ກຽມຂອງຂວັນພິເສດສຳລັບ ມາເນ ເອົາໄວ້ແລ້ວ ເຊິ່ງຈະມີການປ່ຽນຊື່ສະຫນາມບານເຕະໃນເຂດບ້ານເກີດໃຫ້ເປັນຊື່ຂອງ ຊາດີໂອ ມາເນ ຢ່າງແນ່ນອນແລ້ວ ແລະ ຈະກຳເນີນການສຳເລັດໃນປີ 2023 ເຊິ່ງສາເຫດທີ່ ມາເນ ໄດ້ຮັບລາງວັນນີ້ ທາງໂຄສົກລັດຖະບານກວ່າວ່າ ມາເນ ເຮັດຄຸນປະໂຫຍດໃຫ້ແກ່ປະເທດຊາດຢ່າງຫລວງຫລາຍ ທັງການຊ່ວຍເຫລືອສັງຄົມ ແລະ ເຮັດໃຫ້ຊາດມີຊື່ສຽງຈາກການຫລິ້ນໃນພຣີເມຍລີກໃຫ້ກັບລີເວີພູລ.