ກະຊວງປ້ອງກັນປະເທດ ປະກາດແຕ່ງຕັ້ງ, ຍົກຍ້າຍ ແລະ ມອບ-ຮັບໜ້າທີ່ ການນຳຂັ້ນສູງ

ອີງຕາມຂ່າວສານກອງທັບລາຍງານ ໃຫ້ຮູ້ວ່າ: ວັນທີ 11 ກຸມພາ 2022 ຜ່ານມານີ້ ໄດ້ມີ ພິທີປະກາດການແຕ່ງຕັ້ງ, ຍົກ ຍ້າຍ ແລະ ມອບ-ຮັບໜ້າທີ່ການ ນຳຂັ້ນສູງກະຊວງປ້ອງກັນປະເທດ ໂດຍການເປັນປະທານຂອງ ສະຫາຍ ພົນເອກ ຈັນສະໝອນ ຈັນຍາລາດ, ກຳມະການກົມການ ເມືອງສູນກາງພັກ, ຮອງນາຍົກ ລັດຖະມົນຕີ, ລັດຖະມົນຕີກະ ຊວງປ້ອງກັນປະເທດ ໂດຍມີການແຕ່ງຕັ້ງ, ຍົກ ຍ້າຍ ແລະ ມອບ-ຮັບໜ້າທີ່ ດັ່ງນີ້:

1. ຍົກຍ້າຍ ສະຫາຍ ພົນຕີ ຈັນທອງ ສອນຕະອາດ ວ່າການຫົວໜ້າກົມໃຫຍ່ເສນາທິການ ກອງທັບ ໄປຮັບໜ້າທີ່ໃໝ່ ເປັນ ຮອງລັດຖະມົນຕີກະຊວງປ້ອງ ກັນປະເທດ.
2. ແຕ່ງຕັ້ງ ສະຫາຍ ພົນຕີ ຄໍາລຽງ ອຸທະໄກສອນ ເປັນຮອງລັດຖະມົນຕີກະຊວງປ້ອງກັນປະເທດ ທັງເປັນຫົວໜ້າກົມໃຫຍ່ເສນາທິການກອງທັບ ແລະ ເປັນກຳມະການຄະນະປະຈຳພັກກະຊວງປ້ອງກັນປະເທດ.
3. ຍົກຍ້າຍ ສະຫາຍ ພົນຕີ ວົງສອນ ອິນປານພິມ ຮອງຫົວໜ້າ ກົມໃຫຍ່ການເມືອງກອງທັບ ກະ ຊວງປ້ອງກັນປະເທດ ໄປຮັບໜ້າ ທີ່ໃໝ່ເປັນຮອງເລຂາພັກແຂວງໄຊສົມບູນ.