ເອັມບັບເປ ບໍ່ຕໍ່ສັນຍາໃຫມ່ກັບ ເປແອສເຊ

ມີລາຍງານເຖິງສາເຫດທີ່ ຄີລຽນ ເອັມບັບເປ ບໍ່ຍອມຕໍ່ສັນຍາກັບ ເປແອສເຊ ແລະ ກຽມຍ້າຍໄປຢູ່ກັບ ຣິນ ມາດຣິດ ຫລັງຈົບລະດູການນີ້.

ທ່າມກາງກະແສທີ່ ຄີລຽນ ເອັມບັບເປ ຍັງບໍ່ຍອມຕໍ່ສັນຍາກັບ ປາຣີສ ແຊັງແຊັກແມັງ ແລະ ມີຂ່າວວ່າລາວໄດ້ຕົກລົງທີ່ຈະຍ້າຍໄປຮ່ວມທີມ ເຣອັນ ມາດຣິດ ຫລັງຫມົດສັນຍາກັບຕົ້ນສັງກັດໃນລະດູການນີ້ຢ່າງແນ່ນອນ.

ເດິ ມິຣເຣີ ສື່ກິລາຊື່ດັງຂອງອັງກິດລາຍງານເຖິງສາເຫດທີ່ ຄີລຽນ ເອັມບັບເປ ບໍ່ຍອມຕໍ່ສັນຍາກັບ ເປແອສເຊ ສາເຫດຕົ້ນຕໍມາຈາກການທີ່ລາວຢາກເປັນນັກເຕະທີ່ໄດ້ຮັບຄ່າເມື່ອຍຫລາຍທີ່ສຸດໃນສະໂມສອນ ເຊິ່ງເຈົ້າຂອງຕຳແຫນ່ງນີ້ຄື ລີໂອເນລ ເມສຊີ ທີ່ຫາກໍຍ້າຍເຂົ້າມາໃຫມ່ໃນໄລຍະຕົ້ນລະດູການທີ່ຜ່ານມາ ຈົນເຮັດໃຫ້ລາວເລືອກທີ່ຈະຍ້າຍອອກຈາກທີມໄປຢູ່ກັບ ເຣອັນ ມາດຣິດ ຫລັງຈົບລະດູການນີ້.