ຮອງລັດຖະມົນຕີກະຊວງ ປກສ ເນັ້ນໃຫ້ ກົມໃຫຍ່ຕໍາຫລວດເອົາໃຈໃສ່ແກ້ໄຂປາກົດການຫຍໍ້ທໍ້ໃຫ້ຂາດຕົວ

ອີງຕາມການລາຍງານຂອງ ໜັງສືພິມຄວາມສະຫງົບ ວັນທີ 8 ກຸມພາ 2022 ນີ້ໃຫ້ຮູ້ວ່າ: ໃນໂອກາດເຂົ້າຮ່ວມກອງປະຊຸມສະຫລຸບວຽກງານປະຈໍາປີ ຂອງກົມໃຫຍ່ຕຳຫລວດ ທ່ານ ພົຕ ທອງເຫຼັກ ມັງໜໍ່ເມກ ຮອງລັດຖະມົນຕີ ກະຊວງ ປກສ ເນັ້ນໃຫ້ເຈົ້າໜ້າທີ່ທຸກເຫລົ່າຮົບທົ່ວກົມໃຫຍ່ຕໍາຫລວດ ເອົາໃຈໃສ່ຈັດຕັ້ງປະຕິບັດໜ້າທີ່ຢ່າງມີຄວາມຮັບຜິດຊອບສູງ ແລະ ແກ້ໄຂໃຫ້ໄດ້ຢ່າງຂາດຕົວ ເພື່ອສະກັດກັ້ນ ແລະ ຕ້ານກຸ່ມຄົນບໍ່ດີທີ່ຫວັງກໍ່ອາຊະຍາກໍາ ທັງຍັງຮັບປະກັນໄດ້ບັນຫາປະກົດການຫຍໍ້ ທໍ້ໃຫ້ຫລຸດລົງກວ່າເກົ່າ.

ຄະນະພັກ-ຄະນະບັນຊາກົມໃຫຍ່ຕໍາຫລວດເພີ່ມທະວີວຽກງານຕິດຕາມ, ກໍາແໜ້ນສະພາບກົນອຸບາຍການ ເຄື່ອນໄຫວທໍາລາຍມ້າງເພຂອງສັດຕູ ແລະ ກຸ່ມຄົນບໍ່ດີພ້ອມທັງມີວິທີການ, ມາດຕະການປ້ອງ ກັນສະກັດກັ້ນ ແລະ ແກ້ໄຂທັນເວລາ, ນິ້ມນວນ-ຄ່ອງແຄ້ວ, ຮັບປະກັນບໍ່ໃຫ້ມີຊ່ອງຫວ່າງທີ່ສັດຕູຈະສວຍໃຊ້ ແລະ ຕ້ານຄືນ;

– ສືບຕໍ່ຫັນເອົາກໍາລັງລົງກໍ່ສ້າງຮາກຖານການເມືອງໃຫ້ເຂັ້ມແຂງ, ສ້າງຕາໜ່າງວຽກງານ ປກສ ຢູ່ຮາກຖານໃຫ້ກວ້າງຂວາງ ຕິດພັນກັບມະຕິ 3 ສ້າງ ແລະ ພັດທະນາຊົນນະບົດຮອບດ້ານ, ສະກັດກັ້ນແກ້ໄຂບັນດາເປົ້າໝາຍກໍ່ອາຊະຍາກໍາ, ກໍ່ຄວາມບໍ່ສະຫງົບທີ່ບໍ່ເປັນລະບຽບຮຽບຮ້ອຍທາງສັງຄົມໃຫ້ໜັກ ແໜ້ນເຂັ້ມແຂງ ເເຕ່ຮາກຖານຂຶ້ນມາ;
– ວຽກງານສືບສວນ-ສອບສວນ ແລະ ດໍາເນີນຄະດີຕ່າງໆໃຫ້ວ່ອງໄວ, ບໍ່ໃຫ້ ຄະດີອັ່ງອໍ-ແກ່ຍາວ ເລະ ໃຫ້ຖືກຕ້ອງຕາມລະບຽບກົດໝາຍ, ຖືກຂັ້ນຕອນຂອງການດໍາເນີນຄະດີ, ມີຄວາມໂປ່ງໃສ ແລະ ຍຸຕິທໍາ.
– ເອົາໃຈໃສ່ໃນການຄຸ້ມຄອງຮັກສາຂອງກາງຄະດີໃຫ້ຖືກຕາມຫຼັກການວິຊາ ສະເພາະແລະກົດຫມາຍກໍານົດເດັດຂາດບໍ່ໃຫ້ຕົກເຮ່ຍເສຍຫາຍ
– ສຸມໃສ່ ແກ້ໄຂປະກົດການຫຍໍ້ທໍ້ໃນສັງຄົມ ຢ່າງເປັນລະບົບກົມກຽວເຊັ່ນ: ບັນຫາລັກລອບຜະລິດຄ້າຂາຍຂົນສົ່ງ ແລະ ມົ້ວສຸມ ຢາເສບຕິດ, ຊິງຊັບ, ປຸ້ນຊັບ, ສໍ້ໂກງຊັບ, ຄ້າຂາຍເຖື່ອນ, ນັກເລງອັນຕະພານ, ການພະນັ້ນເຖື່ອນ, ຊື້-ຂາຍຫວຍເຖື່ອນ, ອຸບັດຕິເຫດ, ຄ້າຂາຍອາວຸດເຖື່ອນ, ຄ້າມະນຸດ ແລະອື່ນໆ;
– ຊອກໃຫ້ໄດ້ຜູ້ເປັນຫົວ ໂປ່ໂຕການເພື່ອມາ ລົງໂທດຕາມລະບຽບກົດໝາຍຢ່າງເຂັ້ມງວດ
– ສະກັດກັ້ນ ແລະ ຕອບຕ້ານການໂຄສະນາໂຈມຕີການນໍາພັກ-ລັດ ຜ່ານທາງສີຕ່າງໆທີ່ສັດຕູ ແລະ ກຸ່ມບໍ່ດີສວຍໃຊ້ ເປັນຕົ້ນແມ່ນສື່ອອນລາຍ.