ສ.ເກົາຫລີ ເກີດແນວຄິດຜະລິດ Kosk ຜ້າປິດປາກ-ດັງ ປິດສະເພາະດັງ ປ້ອງກັນໂຄວິດ-19 ຕອນກິນເຂົ້າ

4 ກຸມພາ 2022, ບໍລິສັດ Atman ສັນຊາດ ສ.ເກົາຫລີ ເປີດຕົວຜ້າປິດປາກ-ດັງຮູບແບບໃໝ່ ປິດສະເພາະດັງເທົ່ານັ້ນ ໂດຍເອີ້ນວ່າ: Kosk ວາງຂາຍເປັນກ່ອງ, ກ່ອງລະ 10 ອັນ 9.800 ວອນ.

ສຳລັບຜ້າປິດປາກ-ດັງ Kosk ມາຈາກຄຳວ່າ Ko ໃນພາສາເກົາຫລີໝາຍເຖິງ ດັງ, ສ່ວນ Sk ເປັນຄຳທ້າຍຂອງ Mask ຄືຜ້າປິດປາກ-ດັງ ຈຶ່ງໝາຍເຖິງຜ້າປິດປາກ-ດັງທີ່ປິດສະເພາະດັງ ຖືກອອກແບບມາສຳລັບການໃຊ້ໃນຮ້ານອາຫານສາທາລະນະ ເພື່ອປ້ອງກັນການແພ່ເຊື້ອໂຄວິດ-19.

ຫລັງສິນຄ້ານີ້ຖືກວາງຂາຍ ມີທັງຜູ້ທີ່ຊື່ນຊົມໃນແນວຄິດທີ່ຊ່ວຍປ້ອງກັນການແພ່ເຊື້ອ, ຂະນະທີ່ຕ້ອງອອກໄປກິນອາຫານນອກເຮືອນ, ແຕ່ບາງສ່ວນຕັ້ງຄຳຖາມວ່າ: ການປິດພຽງດັງ ຈະປ້ອງກັນໄດ້ຫລາຍສໍ່າໃດ.