ຊົນເຜົ່າບຣູ: ປະເພນີ ແລະ ຕຳນານກະບອງໃຫຍ່

ບຣູ ເປັນຊົນເຜົ່າທີ 50 ຂອງລາວ ໂດຍໄດ້ຮັບການຮັບຮອງເຂົ້າເປັນຊົນເຜົ່າໃໝ່ເມື່ອວັນທີ 5 ທັນວາ 2018 ຂອງວົງຄະນາຍາດແຫ່ງຊາດລາວ ເປັນຊົນເຜົ່າທີ່ມີວັດທະນາທໍາ, ຮີດຄອງປະເພດີທີ່ດີງາມ ລວມເຖິງບ່ອນຢູ່ອາໄສ ແລະ ພາສາປາກເວົ້າທີ່ໜ້າສົນໃຈຫລາຍ.

ຊົນເຜົ່າບຣູ” ເປັນກຸ່ມເຜົ່າຊົນໜຶ່ງທີ່ມີຖິ່ນກຳເນີດຢູ່ແຂວງສະຫວັນນະເຂດ, ສາລະວັນ ແລະ ແຂວງອັດ ຕະປື ເປັນຊົນເຜົ່າດັ້ງເດີມໃນເຂດລ້ອງແມ່ນໍ້າຂອງ ເຊິ່ງອາດຈະສືບເຊື້ອສາຍມາຈາກຂອມບູຮານທີ່ເຄີຍຢູ່ດິນແດນຂອງອານາຈັກເຈນລະ ຕໍ່ມາເປັນອານາຈັກຂອມ ແລະ ອານາຈັກສີໂຄດຕະບູນ. ຂອມເຄີຍມີອິດ ທິພົນຂຶ້ນມາຮອດເຂດນີ້ ແລ້ວເສື່ອມອຳນາດລົງ. ສ່ວນພາສາເປັນພາສາໃນຕະກຸນດຽວກັນກັບຂອມ ແລະ ມອນຂະແມ. ຂະນະດຽວກັນຊົນເຜົ່ານີ້ໄດ້ແບ່ງອອກເປັນຫລາຍເຜົ່າຍ່ອຍເຊັ່ນ: ບຣູຍະເຫີນ, ບຣູບໍລະເວນ, ບຣູສຸ, ບຣູຕະໂອດ, ບຣູສອກ, ບຣູສະປວນ ແລະ ອື່ນໆ. ອີກໜຶ່ງຈຸດເດັ່ນຂອງແມ່ຍິງ ແລະ ຜູ້ຊາຍຊົນ ເຜົ່າບຣູດັ້ງເດີມ ເປັນຄົນຜິວເຂັ້ມ, ຜົມຫຍອງ ໂດຍຜູ້ຊາຍນຸ່ງຜ້າຕ່ຽວ, ຊົງຜົມມ້າຍາວພຽງບ່າ ແລະ ນິຍົມໃຊ້ຜ້າແດງຄ້ອງຄໍ ຫລື ໂພກໃສ່ຫົວ…

ມາຮູ້ຈັກຄວາມອຸດົມສົມບູນ ຄວາມເປັນເອກະລັກ ແລະ ງົດງາມຂອງວັດທະນະທໍາ ໂດຍສະເພາະບຸນປະ ເພນີ ເດືອນສາມລາວ ຊຶ່ງທຸກປີເມື່ອຮອດມື້ 3 ຄໍ່າ, ເຜົ່າບຣູ ຈະສະຫລອງກະບອງໃຫຍ່ ຊຶ່ງເປັນກິດຈະ ກຳສຳຄັນຂອງເຜົ່າ ທີ່ປະຕິບັດ ແລະ ສືບທອດກັນມາແຕ່ດົນນານແລ້ວ. ກ່ອນຈະຮອດມື້ສະຫລອງ, ເຖົ້າແກ່ ຫລື ຜູ້ອາວຸໂສພ້ອມດ້ວຍລູກຫລານ ໄດ້ຮ່ວມກິດຈະກຳຕ່າງໆຢູ່ສວນວັດທະນະທຳເຜົ່າບຣູ ເພື່ອກຽມໃສ່ບຸນ. ປະເພນີກະບອງໃຫຍ່ມີຫລາຍກິດຈະກຳທີ່ໜ້າສົນໃຈ ເປັນຕົ້ນ 7 ໂມງເຊົ້າ ມີການໃສ່ບາດ ແລະ ຈາກນັ້ນ ກໍມີຂະບວນແຫ່ກະບອງໃຫຍ່, ການສະແດງສິລະປະວັນນະຄະດີ ບໍ່ວ່າຈະເປັນການຟ້ອນ, ຂັບລຳ, ການສະແດງລົງຂວ່າງເຂັນຝ້າຍ, ຕໍ່າຫູກ, ຕຳເຂົ້າ ແລະ ອື່ນໆ. ກ່ອນຮອດມື້ບຸນ, ເຖົ້າແກ່ ແລະ ລູກຫລານ ເຮັດກະບອງໃຫຍ່ ລວມທັງເຮັດເຫລັ້ມນ້ອຍເພື່ອແຫ່ໃນຂະບວນ ແລະ ກິດຈະກຳຕ່າງໆແຕ່ຕ້ອງສຳເລັດກ່ອນເປີດ.

ກະບອງໃຫຍ່ແມ່ນເອກະລັກໜຶ່ງ ທີ່ບົ່ງບອກເຖິງຕົ້ນກຳເນີດ ແລະ ຄວາມເປັນມາຂອງຊົນເຜົ່າບຣູ ຊຶ່ງເປັນໜຶ່ງກິດຈະກຳປະຈຳເຜົ່າທີ່ຕ້ອງໄດ້ຈັດຂຶ້ນທຸກໆປີເພື່ອສະແດງໃຫ້ເຫັນວີຖີຊີວິດ, ການອະນຸລັກຮັກສາ ແລະ ສືບທອດວັດທະນະທຳຮີດຄອງປະເພນີອັນດີງາມຂອງເຜົ່າທັງເປັນການເຕົ້າໂຮມຄວາມສາມັກຄີປະ ຊາຊົນພາຍໃນບ້ານ ແລະ ບ້ານອ້ອມຂ້າງໃຫ້ແໜ້ນແຟ້ນຍິ່ງຂຶ້ນ.