ຢາກແກ້ໄຂການລະບາດຂອງພະຍາດໂຄວິດ-19 ໃຫ້ຜ່ອນຜັນລົງຕ້ອງມີການຮ່ວມມືກັນຢ່າງແທ້ຈິງ

ເນື່ອງຈາກປີນີ້ການລະບາດຂອງພະຍາດໂຄວິດ-19 ຍັງມີທ່າອ່ຽງແກ່ຍາວ ຊຶ່ງແພດຕ້ອງໄດ້ສືບຕໍ່ສັກວັກຊິນໃຫ້ແກ່ປະຊາຊົນທຸກຄົນທີ່ຍັງບໍ່ທັນໄດ້ສັກວັກຊິນຄົບໂດສ໌ ບໍ່ວ່າຈະເປັນຄົນລາວ ແລະ ຄົນຕ່າງປະເທດ ທີ່ເຮັດວຽກ ແລະ ອາໄສຢູ່ສປປ ລາວ ເພື່ອສະກັດກັ້ນການລະບາດພະຍາດດັ່ງກ່າວໃຫ້ໄດ້ໂດຍໄວ, ແຕ່ການທີ່ຈະສາມາດປ້ອງກັນ, ສະກັດກັ້ນ, ຄວບຄຸມ ແລະ ແກ້ໄຂການລະບາດໄດ້ດີທີ່ສຸດຄືການຮ່ວມມືກັນທັງຜູ້ໃຫ້ບໍລິການ ຫລື ທີມແພດໝໍ ແລະ ປະຊາຊົນ. ສຳລັບແພດນອກຈາກໃຫ້ບໍລິການຢູ່ໂຮງໝໍຕ່າງໆແລ້ວ ຍັງຈະໄດ້ເຄື່ອນທີ່ອອກໄປຫາປະຊາຊົນທີ່ອາໄສຢູ່ເຂດຫ່າງໄກສອກຫລີກ ບ່ອນທີ່ຖະໜົນຫົນທາງຍັງບໍ່ສະດວກ ເພື່ອເຂົ້າມາສັກວັກຊິນຢູ່ໂຮງໝໍຕ່າງໆ.

ທ່ານ ດຣ. ໄພວັນ ແກ້ວປະເສີດ ຮອງລັດຖະມົນຕີກະຊວງສາທາລະນະສຸກ ກ່າວເມື່ອບໍ່ດົນມານີ້ວ່າ: ລັດ ຖະບານກໍຄືກະຊວງສາທາລະນະສຸກ ຮູ້ ແລະ ເຂົ້າໃຈດີວ່າມັນຫຍຸ້ງຍາກຫລາຍຕໍ່ການເຄື່ອນທີ່ໄປໃຫ້ ບໍລິ ການຢູ່ໄຮ່ນາຮົ້ວສວນ ຫລື ເຂດການຜະລິດ, ແຕ່ກໍໄດ້ຕັດສິນໃຈປະຕິບັດໃຫ້ລ້ອນໜ້າທີ່ເພື່ອບໍ່ໃຫ້ພະຍາດ ໂຄວິດ-19 ລະບາດແພ່ລາມກວ້າງອອກໄປກວ່ານີ້. ຂໍເຊີນຊວນເຊີນຊວນພໍ່ແມ່ພີ່ນ້ອງ 3 ເປົ້າໝາຍຕົ້ນຕໍ ຄື ຜູ້ອາຍຸສູງ, ຜູ້ມີພະຍາດຊໍາເຮື້ອ ແລະ ປະຊາກອນກຸ່ມອາຍຸ 12-17 ປີ ໃຫ້ໄປສັກວັກຊິນກັນພະຍາດໂຄວິດ-19 ຢູ່ໂຮງໝໍແຫ່ງຕ່າງໆໃກ້ບ້ານທ່ານທັງຜູ້ທີ່ບໍ່ທັນສັກເຂັມທີ 1 ຫລື ສືບຕໍ່ສັກເຂັມທີ 2ແລະ ເຂັມ ກະຕຸ້ນ ເພື່ອສ້າງພູມຄຸ້ມກັນໃຫ້ທ່ານເອງ, ສະມາຊິກໃນຄອບຄົວ ແລະ ຊຸມຊົນຂອງທ່ານ.