5 ທີມດັງຈ້ອງດຶງ ໂອບາເມຢອງ ຈາກເອເຊນອລ

ປີແອ ເອເມີຣິກ ໂອບາເມຢອງ ກອງຫນ້າຂອງ ອາເຊນອລ ທີມດັງແຫ່ງ  ພຣີເມຍລີກອັງກິດ ຕົກເປັນຂ່າວໄດ້ຮັບຄວາມສົນໃຈຈາກ 5 ສະໂມສອນດັງໃນລີກຢູໂຣບ ຫລັງຈາກທີ່ນັກເຕະມີແວວຫມົດອະນາຄົດກັບທີມປັດຈຸບັນຈາກການລາຍງານຂອງ ສະກາຍ ສະປອດ ສື່ຊື່ດັງ.

ກ່ອນຫນ້ານີ້ ໂອບາເມຢອງ ມີຂ່າວດ້ານລົບ ເມືອນັກເຕະເຮັດຜິດກົດສະໂມສອນຫລາຍຄັ້ງ ແລະ ຄັ້ງຫລ້າສຸດລາວເດີນທາງໄປປະເທດຝຣັ່ງເພື່ອຢ້ຽມແມ່ຂອງລາວ ແຕ່ແນວໃດກໍຕາມລາວພັດກັບມາຫລ້າຊ້າກວ່າກຳນົດຫນຶ່ງມື້ ຈົນສຸດທ້າຍຖືກປົດຫົວຫນ້າທີມ ຈົນມີຂ່າວວ່າຕົວລາວຖືກທີມຊາດກາບອງ ສົ່ງຕົວກັບ ຫລັງລັກຫນີທ່ຍວໃນລະຫວ່າງຮັບໃຊ້ຊາດ ດ້ວຍເຫດນີ້ລາວກໍອອກມາແກ້ວ່າ ເປັນເຫດຜົນດ້ານສຸຂະພາບດ້ານຫົວໃຈ.

ຈາກສະຖານະການໂດຍພາບລວມ ມີຄວາມເປັນໄປໄດ້ຫລາຍທີ່ ໂອບາເມຢອງ ຈະຍ້າຍອອກຈາກທີມຖິ່ນ ເອມິເຣສ ໂດຍອາດເປັນໄລຍະເດືອນມັງກອນນີ້ ຫລືໄລຍະສິ້ນສຸດລະດູການ ໂດຍມີ 5 ສະໂມສອນດັງຈາກຢູໂຣບ ເຊ່ັນ : ຢູເວນຕຸສ, ເອຊີ ມິລານ, ປາຣິສ ແຊັງແຊັກແມັງ, ໂອລິມປິກ ມາກເຊ ລວມເຖິງ ເຊບີຢາ ເຊິ່ງບັນດາທີມດັງກ່າວໄດ້ສະແດງຄວາມສົນໃຈເບື້ອງຕົ້ນຍັງຕົວແທນຂອງນັກເຕະແລ້ວ.