ເສີມເກມບຸກ, ນິວຄາສເຊິລ ຖະແຫລງຄວ້າ ວູດ ມາຈາກ ເບີນລີ

ນິວຄາສເຊິລ ຢູໄນເຕັດ ທີມດັງໃນອັງກິດ ປະກາດຄວ້າ ຄຣິສ ວູດ ກອງຫນ້າຊາວນິວຊີແລນ ມາຈາກ ສະໂມສອນ ເບີນລີ ທີມຄູ່ແຂ່ງຮ່ວມລີກດ້ວຍວົງເງິນ 25 ລ້ານປອນ.

ນິວຄາສເຊິລ ຢູໄນເຕັດ ທີມດັງແຫ່ງ ພຣີເມຍລີກ ອັງກິດ ປະກາດຄວ້າ ຄຣິສ ວູດ ກອງຫນ້າຊາວນິວຊີແລນມາຈາກ ສະໂມສອນ ເບີນລີ ທີມຄູ່ແຂ່ງຮ່ວມລີກ ດ້ວຍວົງເງິນ 25 ລ້ານປອນ.

ເປັນທີ່ເຂົ້າໃຈກັນວ່າ ນິວຄາສເຊິລ  ຕ້ອງເສຍ ຄັລລຳ ວິລສັນ ທີ່ມີອາການບາດເຈັບຈົນຕ້ອງພັກປິ່ນປົວດົນເຖິງ 2 ເດືອນ ນັ້ນເຮັດໃຫ້ທີມຂອງ ເອັດດີ ຮາວ ຕ້ອງດຶງກອງຫນ້າຄົນໃຫມ່ເຂົ້າມາທົດແທນກ່ອນທີ່ຈະຕົກລົງການຊື້ຂາຍ ຄວ້າ ຄຣິສ ວູດ ມາຮ່ວມທີມໄດ້ສຳເລັດ ແລະ ເຂົ້າມາເປັນຄວາມຫວັງໃນການຍິງປະຕູ ເພື່ອພາທີມຄວ້າໄຊຊະນະ ແລະ ເຮັດອັນດັບໃຫ້ຫລຸດພົ້ນເຂດອັນຕະລາຍ.

ສຳລັບ ນິວຄາສເຊິລ ຢູໄນເຕັດ ຢູ່ໃນສະຖານະການທີ່ບໍ່ດີໃນ ພຣີເມຍລີກ ອັງກິດ ເມື່ອພວກເຂົາຈົມຢູ່ຮອງທ້າຍຕາຕະລາຍ ຫລື ອັນດັບທີ 19 ຂອງຕາຕະລາງດ້ວຍການມີ 11 ຄະແນນເທົ່ານັ້ນ ຈາກການຫລິ້ນໄປແລ້ວເຖິງ 19 ເກມ.