ນິວຄາສເຊິລ ສົນໃຈດຶງອະດີດນັກເຕະແມນຢູ ກັບຄືນພຣີເມຍລີກ
ສື່ທ້ອງຖິ່ນໃນເບລຢຽມມ ລາຍງານຂ່າວວ່າ ນິວຄາສເຊິລ ອະດີດນັກເຕະດັງຂອງ ແມນເຊສເຕີ ຢູໄນເຕັດ ກັບມາໂຊສີຕີນໃນອັງກິດອີກເທື່ອຫນຶ່ງ ເພື່ອຊ່ວຍປະຄອງຮຸ່ນນ້ອງຫນີຕົກຊັ້ນ.
ມາຣູຢັນ ເຟລໄລນີ ເຄີຍຜ່ານປະສົບການຫລິ້ນຢ່າງຍາວນານກວ່າ 12 ລະດູການ ໃຫ້ກັບ ເອຟເວີຕັນ ແລະ ແມນເຊສເຕີ ຢູໄນເຕັດ ກ່ອນຈະຕັດສິນໃຈຍ້າຍໄປໂກຍເງິນຢວນກັບສະໂມສອນ ຊານຕົງ ລູ່ເຫນິງ ເມື່ອປີ 2019.
ແຕ່ຫລ້າສຸດ La Derier Heure ສື່ຊື່ດັງຂອງເບລຢຽມ ລະບຸວ່າ ເຟລໄລນີ ອາດໄດ້ຍ້າຍກັບມາຫລິ້ນໃນອັງກິດອີກເທື່ອຫນ່ຶງ ເມື່ອ ນິວຄາສເຊິລ ຢູໄນເຕັດ ສົນໃຈຊື້ປະສົບການອັນຫລວງຫລາຍນັກເຕະດັງອາຍຸ 34 ປີ ເພືື່ອຊ່ວຍປະຄອງທີມໃນການຄວ້າໂອກາດຫນີຕົກຊັ້ນພຣີເມຍລີກ ລະດູການນີ້.
ແນວໃດກໍຕາມ ນອກຈາກທີມນິວຄາສເຊິລແລ້ວ ຍັງມີຊື່ຂອງ 2 ທີມດັງຈາກຕວກກີ ເຊັ່ນ : ກາລາຕາຊາຣາຍ ແລະ ເບຊິກຕັສ ລວມເຖິງທີມມະຫາເສດຖີຈາກກາຕາ ທີ່ຫມາຍຕາຈະລົງທຶນຄວ້າ ເຟລໄລນີ ໄປຮ່ວມທີມເຊ່ັນດຽວກັນ.
ສຳັບ ມາຣູຢັນ ເຟລໄລນີ ຄວ້າແຊ໊ມກັບຕົ້ນສັງກັດໃນການແຂ່ງຂັນໄຊນິສ ຊຸບເປີລີກໄປແລ້ວ 3 ລາຍການ ໄດ້ແກ່ແຊ໊ມລີກ 1 ສະໄຫມ ແລະ ແຊ໊ມເອຟເອຄັບ ອີກ 2 ສະໄຫມ ແລະ ປັດຈຸບັນເຫລືອສັນຍາກັບຕົ້ນສັງກັດໃນຈີນຈົນເຖິງປີ 2025.
