ເປີດປ້າຍສ້າງຕັ້ງສະມາຄົມລາວວຽງແຫ່ງປະເທດໄທ

ວັນທີ 30 ກໍລະກົດນີ້, ທ່ານ ຫລີ ບຸນຄໍ້າ ເອກອັກຄະລັດຖະທູດ ແຫ່ງສາທາລະນະລັດ ປະຊາທິປະ ໄຕ ປະຊາຊົນລາວ ປະຈໍາຣາຊະ ອານາຈັກໄທ, ພ້ອມຄະນະໄດ້ ເຂົ້າຮ່ວມ ພິທີເປີດປ້າຍ ສ້າງຕັ້ງ ສະມາຄົມລາວວຽງແຫ່ງປະ ເທດໄທ ທີ່ບ້ານໜອງຄວາຍໂຊ, ອຳເພີ ໜອງແຊງ, ຈັງຫວັດ ສະ ຫລະບູລີ; ມີທ່ານ ບັນດິດ ທິວາ ຮັກ,ຜູ້ວ່າຈັງຫວັດສະຫລະບູລີ, ພ້ອມດ້ວຍ ຊາວໄທ ເຊື້ອສາຍ ລາວ ວຽງຈາກຈັງຫວັດໃກ້ຄຽງ ເຂົ້າຮ່ວມຫລາຍກວ່າ 200 ກວ່າຄົນ.

+ ສະມາຄົມຕະຫລົກຢູ່ອາເມລິກາປະກວດຮຽນແບບທ່ານ ທຣຳ

+ ບົດເລື່ອງ “ໄປນຳຫາພໍ່” ຂອງນັກປະພັນລາວຖືກຄັດເລືອກເຂົ້າຮັບລາງວັນວັນນະກໍາແມ່ນ້ຳຂອງ 2017 ທີ່ປະເທດໄທ

ໃນພິທີທ່ານ ຫລີ ບຸນຄໍ້າໄດ້ ກ່າວ ສະແດງຄວາມຍໍ້ຍ້ອງຊົມ ເຊີຍພີນ້ອງຊາວໄທເຊື້ອສາຍ ລາວວຽງໃນຄວາມພະຍາຍາມ ບາກປັ່ນເພື່ອສ້າງຕັ້ງສະມາຄົມ ດັ່ງກ່າວເປັນແຫ່ງທຳອິດໃນ ປະເທດໄທເພື່ອເປັນການເຕົ້າໂຮມ ຄວາມສາມະຄີ ຂອງຊາວໄທ ເຊື້ອສາຍລາວວຽງທີ່ມີຢູ່ໃຫ້ ແໜ້ນແຟນຫຍິ່ງຂຶ້ນກວ່າເກົ່າ.

ສອງຝ່າຍຍັງໃຫ້ຄໍາເຫັນ ຮ່ວມກັນວ່າ: ສະມະຄົມລາວ ວຽງແຫ່ງນີ້ເປັນສັນຍາລັກໜຶ່ງ ແຫ່ງຄວາມສຳພັນ ແລະ ຜູກພັນ ເປັນເວລາຍາວນານຂອງປະ ຊາຊົນສອງຊາດ ລາວ-ໄທ ເປັນ ຕົ້ນແມ່ນຊາວລາວວຽງ ເຊິ່ງ ພວກເຮົາເຫັນກັນໃນທຸກມື້ນີ້ມີ ຫລາຍສິ່ງຫລາຍຢ່າງ ທີ່ມີເອກ ກະລັກທີ່ຄ້າຍຄືກັນທີ່ສຸດ, ມີຂະ ນົບທຳນຽມ, ຮີດຄອງປະເພນີ, ວັດທະນາທຳ, ສາສະໜາ ແລະ ມີພາສາປາກເວົ້າທີ່ຄ້າຍຄືກັນ.

ການສ້າງຕັ້ງສະມາຄົມ ແຫ່ງນີ້ແມ່ນສ່ວນໜຶ່ງໃນການ ປະກອບສ່ວນເພື່ອເສີມຂະ ຫຍາຍສາຍພົວພັນຖານບ້ານ ພີ່ເມືອງນ້ອງ ແລະ ການຮ່ວມ ມືທີ່ດີຕໍ່ກັນລະຫວ່າງສອງປະ ເທດໃຫ້ມີການພັດທະນາ ແລະ ເຕີບໃຫ່ຍຢ່າງຕໍ່ເນື່ອງປະກອບ ສ່ວນສ້າງຄວາມເຂັ້ມແຂງໃຫ້ ແກ່ປະຊາຄົມອາຊຽນອີກດ້ວຍ.

ທ່ານ ຫລີ ບຸນຄ້ຳ ຍັງສະ ແດງຄວາມຂອບໃຈເປັນຢ່າງ ສູງມາຍັງພີ່ນ້ອງລາວວຽງຈັງຫວັດສະຫລະບູລີ ໂດຍສະເພາະ ທ່ານ ຜູ້ວ່າຣາຊະການຈັງຫວັດ ທີ່ໃຫ້ການຕ້ອງຮັບອັນອົບອຸ່ນ ແລະ ກ່າວສະແດງຍ້ອງຍໍຊົມ ເຊີຍຕໍ່ການສ້າງຕັ້ງສະມາຄົມ ດັ່ງກ່າວ ເຊິ່ງໄດ້ສ່ອງແສງ ໃຫ້ ເຫັນເຖິງຄວາມສາມັກຄີຮັກ ແພງ ແລະ ການປຸ້ມລຸມ ຕຸ້ມຫໍ່ກັນ ແໜ້ນໜາຂອງຊາວລາວວຽງ ຕະຫລອດໄລຍະຜ່ານມາ, ອັນ ພົ້ນເດັ່ນແມ່ນຍັງສາມາດຮັກ ສາເອກະລັກທາງວັດທະນະ ທໍາ, ຂະນົບທໍານຽມ ແລະ ຮີດ ຄອງປະເພນີດັ້ງເດີມເອົາໄວ້ໄດ້,ຂໍຮຽກຮ້ອງຈົ່ງພ້ອມກັນສືບຕໍ່ ປົກປັກຮັກສາການພົວພັນອັນ ດີງາມລະຫວ່າງ ລາວ-ໄທ ເວົ້າ ລວມ, ເວົ້າສະເພາະລະຫວ່າງ ພີ່ນ້ອງລາວວຽງຂອງສອງປະ ເທດໃຫ້ນັບມື້ພັດທະນາ ແລະ ຍືນຍົງຕະຫລອດໄປ.
ໃນໂອກາດເຂົ້າຮ່ວມໃນ ງານຄັ້ງນີ້ ທ່ານ ຫລີ ບຸນຄ້ຳ ພ້ອມດ້ວຍຄະນະຊາວລາວ ວຽງ ຍັງໄດ້ເຂົ້າຮ່ວມປູກເຂົ້າແບບ ບູຮານ, ຢ້ຽມຊົມຫໍພິພິທະພັນ ຂອງຊຸມຊົນຊາວລາວວຽງ ແລະ ຮັບປະທານອາຫານທ່ຽງກັນ ຢ່າງສະໜິດສະໜົມອີກດ້ວຍ.