ປ໊ອກບາ ໄດ້ຍ້າຍທີມແນ່ນອນ ຫລັງ ແມນຢູ ຍົກທຸງຂາວເລື່ອງຕໍ່ສັນຍາໃຫມ່
The mirror ສື່ກິລາຊື່ດັງຂອງອັງກິດ ລາຍງານວ່າ ຄະນະບໍລິຫານຂອງ ແມນເຊສເຕີ ຢູໄນເຕັດ ກຽມພ້ອມທີ່ຈະປ່ອຍ ພອລ ປ໊ອກບາ ກອງກາງທີມຊາດຝຣັ່ງອອກໄປຫລັງຈົບລະດູການນີ້ຢ່າງແນ່ນອນ.
ສະຖານະການການເຈລະຈາເຖິງເລື່ອງສັນຍາໃຫມ່ ພອລ ປ໊ອກບາ ມີຄວາມພະຍາຍາມທີ່ຈະຫາລືມາຢ່າງຍາວນານ ແນວໃດກໍຕາມ ກໍບໍ່ມີທ່າທີວ່າຈະສາມາດບັນລຸສັນຍາໃຫມ່ກັບນັກເຕະໄດ້ ເນື່ອງຈາກນັກເຕະຮ້ອງຄ່າເມື່ອຍໃນສັນຍາໃຫມ່ແພງເຖິງ 5 ແສນປອນ/ອາທິດ ເຊິ່ງຫລ້າສຸດການຕໍ່ສັນຍາດັ່ງກ່າວກໍໄດ້ພົງທະລາຍລົງເປັນທີ່ຮຽບຮ້ອຍແລ້ວ.
ການຕໍ່ສັຍຍາທີ່ພັງລົງນັ້ນຫມາຍຄວາມວ່າ ພອລ ປ໊ອກບາ ສາມາດທີ່ຈະເຈລະຈາກັບສະໂມສອນໃດກໍໄດ້ແລ້ວ ເນື່ອງຈາກລາວເຫລືອສັນຍາອີກພຽງ 6 ເດືອນສຸທ້າຍກັບ ແມນເຊສເຕີ ຢູໄນເຕັດ ເທົ່ານັ້ນ ເຊິ່ງລາຍງານເປີດເຜີຍວ່າ ບາເຊໂລນາ, ຢູເວນຕຸສ ແລະ ປາຣີສ ແຊັງແຊັກແມັງ ເປັນສະໂມສອນທີ່ມີໂອກາດທີ່ຈະຄວ້ານັກເຕະຄົນຫລາຍທີ່ສຸດ.
ປ໊ອກບາ ສ້າງໂດ່ງດັງທີ່ຍ້າຍຈາກ ຢູເວນຕຸສ ກັບມາຢູ່ກັບ ແມນເຊສເຕີ ຢູໄນເຕັດ ເມື່ອປີ 2016 ດ້ວຍຄ່າໂຕສະຖິຕິໂລກໃນເວລານັ້ນເຖິງ 89 ລ້ານປອນ ໂດຍຜົນງານຕະຫລອດ 5 ປີ ທີ່ຜ່ານມາ ຮັບໃຊ້ສະໂມສອນໄປທັງຫມົດ 219 ນັດ ຍິງໄປ 38 ປະຕູ ກັບອີກ 49 ແອສຊິສ.
