ຮາແລນ ຕັດ 2 ທີມອອກຈາກຕົວເລືອກເປົ້າໝາຍການຍ້າຍທີມ

ເດລີ ສະຕາ ສື່ຊື່ດັງຂອງອັງກິດ ລາຍງານວ່າ : ເອີລິງ ເບຣົາ ຮາແລນ ກອງຫນ້າທີມຊາດນໍເວ ຂອງໂບຣຸສເຊຍ ດອດມຸນ ຈະປະຕິເສດການຍ້າຍໄປຮ່ວມທີມ ແມນເຊສເຕີ ຢູໄນເຕັດ ແລະ ແມນເຊສເຕີ ຊິຕີ ໃນໄລຍະລະດູການນີ້.

ສຳລັບ ຮາແລນ ອາຍຸ 21 ປີ ໄດ້ຮັບການຍ້ອງຍໍວ່າເປັນຫນຶ່ງໃນກອງຫນ້າທີ່ດີທີ່ສຸດຂອງໂລກໃນປັດຈຸບັນ ຫລັງຍິງໃຫ້ ດອດມຸນ ໄປແລ້ວ 76 ປະຕູ ການລົງຫລິ້ນ 75 ນັດ ລວມທຸກລາຍການ ນັບຕັ້ງແຕ່ຍ້າຍມາຈາກ ເຣສບູລ ຊັລບວກ ເມື່ອສອງປີກ່ອນ ສ່ວນລະດູການນີ້ຍິງໄປແລ້ວ 19 ປະຕູ ຈາກການລົງງຫລິ້ນ 16 ນັດ ສົ່ງຜົນໃຫ້ຕົກເປັນທີ່ຫມາຍປອງຂອງບັນດາສະໂມສອນໃຫຍ່ໃນຢູຣົບ ໂດຍນັກເຕະຈະມີຄ່າຈີກສັນຍາຢູ່ທີ່ 63 ລ້ານປອນ ໃນໄລຍະລະດູການນີ້.

ທັງນີ້ ລາຍງານຫລ້າສຸດຈາກສື່ອັງກິດລະບຸວ່າ : ຮາແລນ ຈະປະຕິເສດຂໍ້ສະເຫນີ ແມນເຊສເຕີ ຢູໄນເຕັດ ແລະ ແມນເຊສເຕີ ຊິຕີ ເພື່ອເຮັດຕາມຄວາມຕັ້ງໃຈຕົນເອງ ນັ້ນກໍຄືການຍ້າຍທີມໄປຫລິ້ນກັບ ເຣອັນ ມາດຣິດ ທີມໃຫ້ແຫ່ງ ລາ ລີກາ ສະເປນ  ນັ້ນເອງ.