4 ທີມດັງຈາກ ພຣີເມຍລີກອັງກິດ ເລັງຄວ້າ ເດມເບເລ ເສີມຄົມ

ວັນທີ 30 ທັນວາ 2021 ໃຜຈະໄດ້ຕົວໄປ ອີກບໍ່ດົນກໍຮູ້ ເມື່ອ ແມນເຊສເຕີ ຢູໄນເຕັດ, ລີເວີພູລ, ທັອດແນມ ຮັອດສະເປີ ແລະ ນິວຄາສເຊິລ 4 ທີມດັງຈາກ ພຣີເມຍລີກ ອັງກິດ ຕົກເປັນຂ່າວເລັງຄວ້າ ອຸສມານ ເດມເບເລ ປີກຊາວຝຣັ່ງຈາກຄ້າຍ ບາເຊໂລນາ ສະໂມສອນໃຫຍ່ ລາລີກາ ສະເປນ ມາຮ່ວມທີມ.

ເປັນທີ່ເຂົ້າໃຈກັນວ່າ ອຸສມານ ເດມເບເລ ເຫລືອພັນທະໃນຊາຍຄາ ຄຳນູ ອີກພຽງສິ້ນສຸດລະດູການຫນ້າເທົ່ານັ້ນ ແລະ ເຖິງຈະມີຂ່າວລືວ່ານັກເຕະພ້ອມທີ່ຈະຢູ່ກັບທີມຕໍ່ໄປ. ແຕ່ຫລ້າສຸດຈາກຫລາຍສື່ໃນສະເປນລະບຸວ່າ ອະດີດນັກເຕະ ໂບລຸສເຊຍ ດອດມຸນ ປະຕິເສດທີ່ຈະຕໍ່ສັນຍາສະບັບໃຫມ່.

ຈາກສະຖານະການດັ່ງກ່າວເຮັດໃຫ້ ແມນເຊສເຕີ ຢູໄນເຕັດ, ລີເວີພູລ, ທັອດແນມ ຮັອດສະເປີ ແລະ ນິວຄາສເຊິລ ຢູໄນເຕັດ ໃຫ້ຄວາມສົນໃຈທີ່ຈະເດີນຫນ້າຄວ້າດາວເຕະອາຍຸ 24 ປີ ມາຮ່ວມທີມ ໂດຍອາດຈະເລີ່ມຕົ້ນເຈລະຈາລ່ວງຫນ້າໃນເດືອນມັງກອນນີ້ ຫລື ໄລຍະປິດລະດູການ.