ແມນຢູ ສົນໃຈ ອີຄາດີ ເສີມທີມ ຫາກເສຍ ຄາວານີ

ແມນເຊສເຕີ ຢູໄນເຕັດ ຍອດທີມແຫ່ງພຣີເມຍລີກອັງກິດ ກຽມງັດແຜນການສຸກເສີນອອກມາໃຊ້ ໂດຍເລັງເປົ້າຄວ້າ ເມົາໂຣ ອີຄາດີ ດາວຍງຂອງ ປາຣີສ ແຊງ ແຊັກແມັງ ມາເສີມທີມ ຫາກຕ້ອງເສຍ ເອດິນສັນ ຄາວານີ ກອງຫນ້າທີມຊາດ ອຸຣຸໄກວ ໄປໃນໄລຍະເປີດຕະຫລາດນັກເຕະເດືອນມັງກອນນີ້.

ຄາວານີ ເຫລືອສັນຍາກັບ ແມນຢູ ອີກພຽງ 6 ເດືອນ ແລະ ມີລາຍງານວ່າພວມໄດ້ຮັບຄວາມສົນໃຈຈາກ ບາເຊໂລນາ ທີ່ຢາກໄດ້ດາວຍິງອາຍຸ 34 ປີ ໄປເສີມກອງຫນ້າໃນໄລຍະເປີດຕະຫລາດນັກເຕະຫນ້າຫນາວ.

ດ້ວຍເຫດນີ້ ແມນຢູ ຈຶ່ງຕ້ອງກຽມແຜນການສຸກເສີນເອົາໄວ້ ໂດຍຕາມລາຍງານຈາກ ກັລໂຊແມກາໂຕ ສື່ດັງສັນຊາດອິຕາລຽນ ນັ້ນ ແມນຢູ ລັອກເປົ້າເອົາໄວ້ທີ່ ອີຄາດີ ທີ່ແທບບໍ່ມີໂອກາດໄດ້ລົງສະຫນາມໃຫ້ ເປແອສເຊ ເລີຍ ນັບຕັ້ງແຕ່ ລີໂອເນລ ເມສຊີ ຍ້າຍເຂົ້າສູ່ຖິ່ນ ປາກ ເດ ແພຣັງ ໃນລະດູການນີ້.

ແນວໃດກໍຕາມກໍບໍ່ແມນເລື່ອງງ່າຍຫາກ ແມນຢູ ຢາກໄດ້ ອີຄາດີ ມາລ່າຕາຫນ່າງຍັງຖິ່ນ ໂອນ ແທຣບຟອດ ແທ້, ເນື່ອງຈາກຍັງມີ ຢູເວນຕຸສ ທີ່ສົນໃຈກອງຫນ້າອາຍຸ 28 ປີເຊັ່ນດຽວກັນ ແລະ ນັກເຕະເອງກໍຢາກຈະກັບໄປຫລິ້ນໃນອິຕາລີຫລາຍກວ່າຍ້າຍມາປະເຊີນກັບສະພາບອາກາດຫນາວອັນໂຫດຮ້າຍໃນອັງກິດນຳອີກ.