ບໍລິສັດສະຕາ ໂທລະຄົມ (UNITEL) ໄດ້ຈັດພິທີ ມອບລົດໃຫ່ຍ TOYOTA HILUX REVO PRERUNER ໃນໂຄງການ “ຂູດບັດຮັບໂຊກປີ2021”
ໃນວັນທີ 24/12/2021 ທີ່ສໍານັກງານໃຫ່ຍສໍານັກງານໃຫ່ຍ ບໍລິສັດສະຕາ ໂທລະຄົມ (UNITEL) ໄດ້ຈັດພິທີ ມອບລົດໃຫ່ຍ TOYOTA HILUX REVO PRERUNER ໃນໂຄງການ “ຂູດບັດຮັບໂຊກປີ2021” ໃຫ້ແກ່ທ່ານ ຜວນ ສົມຊະນະ ບ້ານໂພນສະຫວ່າງ, ເມືອງຈັນທະບູລີ, ນະຄອນຫລວງວຽງຈັນ ໂດຍແຂກເຂົ້າຮ່ວມ: ທ່ານ ຄຳມາ ແສງວິໄຊ ເຈົ້າເມືອງໄຊເສດຖາ, ທ່ານ ສຸດໃຈ ລໍລອນສີ ຮັກສາການຫົວໜ້າອົງການດັດສົມໂທລະຄົມມະນາຄົມກະຊວງເຕັກໂນໂລຍີ່ ແລະ ການສື່ສານ, ທ່ານ ສີສຸວັນ ທຳມະວົງສາ ນາຍບ້ານບ້ານໂພນໄຊ, ເມືອງໄຊເສດຖາ ນະຄອນຫລວງວຽງຈັນ, ພ້ອມດ້ວຍທ່ານ ຫວຽນຮ່ວງເຊີນ ຮອງຜູ້ອໍານວຍການໃຫ່ຍ ຊີ້ນໍາວຽກງານການຕະຫລາດ ແລະ ທ່ານ ບຸນມີ ມາລາວົງ ຊີ້ນໍາວຽກງານດ້ານເຕັກໂນໂລຊີ ພ້ອມດ້ວຍຄະນະພະແນກ/ສູນສາຂາ ຈາກບໍລິສັດສະຕາໂທລະຄົມ ແລະ ນັກຂ່າວສື່ມວນຊົນ.
ທ່ານຮອງຜູ້ອຳນວຍການບລິສັດ ສະຕາ ໂທລະຄົມ ໄດ້ກ່າວວ່າ: ບໍລິສັດ ສະຕາ ໂທລະຄົມ, ທີ່ມີເຄື່ອງໝາຍການຄ້າ (Unitel), ພາຍຫລັງທີ່ໄດ້ກໍ່ຕັ້ງ ແລະ ດໍາເນີນທຸລະກິດເຖິງປະຈຸບັນພໍດີຄົບອາຍຸ 12ປີ ພວກເຮົາໄດ້ສູ້ຊົນພັດທະນາໃນຫລາຍໆດ້ານ ເພື່ອເປົ້າໝາຍຈຸດປະສົງອັນໜື່ງອັນດຽວ ຄືການບໍລິການທີດີທີ່ສຸດສູ່ສັງຄົມ ແລະ ລູກຄ້າ. ສາມາດເວົ້າໄດ້ວ່າ ຢູນີເທວ ເປັນ 1 ໃນເຄື່ອຂ່າຍໂທລະຄົມແຖວໜ້າທີ່ໄດ້ນໍາເອົາເຕັກໂນໂລຊີທີ່ທັນສະໄໝ ຫລາຍຢ່າງມາໃຫ້ບໍລິການແກ່ສັງຄົມ, ສ້າງຄວາມສະດວກໃຫ້ແກ່ການບໍລິການໃນຮູບແບບອອນລາຍກໍ່ເປັນຈຸດມຸ້ງໝາຍໜື່ງທີ່ບໍລິສັດ ພວກເຮົາຕ້ອງການບໍລິການດ້ວຍຄຸນນະພາບ ແລະ ສ້າງສິ່ງອຳນວຍຄວາມສະດວກໃຫ້ລູກຄ້າ ແລະ ຢູ່ຄຽງຂ້າງກັບການເຕີບໃຫ່ຍຂອງຢູນີເທວກໍ່ແມ່ນການສະໜັບສະໜູນ, ຄວາມເຊື່ອໝັ້ນໄວ້ວາງໃຈຈາກຫລາຍພາກສ່ວນໃນສັງຄົມນັບແຕ່ສູນກາງຈົນຕະຫລອດໄລຍະການພັດທະນາຂອງຢູນີເທວ ຢູນີເທວໄດ້ກາຍເປັນເຄື່ອຂ່າຍໂທລະຄົມໃນລະດັບແຖວໜ້າ ເຊິ່ງເປັນຕົວແທນຫົວໜ່ວຍທຸລະກິດທີ່ໜ້າພາກພູມໃຈການບໍລິການຂອງພວກເຮົາໄດ້ຮັບຫລາກຫລາຍລາງວັນ ໃນລະດັບສາກົນທຸກໆປີ ນັ້ນສະແດງໃຫ້ເຫັນເຖິງຄວາມມຸ້ງໝັ້ນພັດທະນາຂອງຢູນີເທວເອງ ກໍ່ຄືການປະກອບສ່ວນເຂົ້າໃນວຽກງານປົກປັກຮັກສາ ແລະ ສ້າງສາພັດທະນາປະເທດຊາດ.
ເນື່ອງໃນໂອກາດ ຢູນີເທວ ສະຫລອງຄົບຮອບ12 ປີ ທີ່ໄດ້ໃຫ້ບໍລິການສູ່ສັງຄົມ ໃນເດືອນ ຕຸລາຫາ ພະຈິກ2021ຜ່ານມາ ຢູນີເທວກໍ່ໄດ້ເປີດໂຕບໍລິການ “ຢູແຄ”ຂອງຂວັນແທນຄໍາຂອບໃຈ ໃນໂຄງການເບິ່ງແຍງລູກຄ້າແມ່ນເປັນການມອບຄືນກໍາໄລແກ່ລູກຄ້າ ພຽງໃຊ້ບໍລິການ ຢູນີເທວກໍ່ມີຄະແນນສະສົມແລກຂອງຂວັນ ພຽງ 1,000 ກີບ ສະສົມໄດ້ 20ຄະແນນເຊິ່ງຄະແນນດັ່ງກ່າວເປັນການຕອບແທນ ແກ່ລູກຄ້າໝາຍວ່າຍິ່ງໃຊ້ຍິ່ງໄດ້ຮັບຂອງຂວັນແທນຄໍາຂອບໃຈຈາກ ຢູນີເທວເຊິ່ງຂອງຂວັນແລກລວມມີ: ສ່ວນລຸດຕາມຮ້ານຄ້າຕ່າງໆທີ່ເຂົ້າຮ່ວມໃນໂຄງການ, ລູກຄ້າຖືກຈັດລໍາດັບເປັນລູກຄ້າVIPດູແລແບບພິເສດ, ຄະແນນແລກໃຊ້ບໍລິການຕ່າງໆທັງໝົດຂອງຢູນີເທວໄດ້.
ແລະ ໂຄງການ “ຂູດບັດຮັບໂຊກ”ປະຈໍາປີ 2021 ບໍ່ແມ່ນໂຄງການທໍາອິດ ແຕ່ເປັນໂຄງການທີ່ສືບຕໍ່ປະຕິບັດຈັດຕັ້ງມາໃນແຕ່ລະປີ ນັບແຕ່ປີ2019 ໂຄງການຂູດບັດຮັບໂຊກຂອງພວກເຮົາ ໄດ້ແຈກໄປແລ້ວລວມມີ: ລົດໃຫຍ່ IZSUZU MU-Xຈໍານວນ 04 ຄັນ, ລົດຈັກ Honda Wave 100S ຈໍານວນ 70 ຄັນ, ຕູ້ເຢັນ 300 ໜ່ວຍ, Samsung Galaxy S10 ຈໍານວນ 15 ໜ່ວຍ,ໂທລະສັບ ຢູນີເທວ 3,000 ໜ່ວຍ, ມູນຄ່າໂທຟຣີ ແລະ ດາຕ້າເນັດຟຣີຫລາຍກວ່າ: 21,013,000 ລາງວັນ, ລວມມູນຄ່າຂອງລາງວັນທັງໝົດ ປະມານ 50,294,809,954 ກີບ ແລະ ປີ 2021 ຢູນີເທວສືບຕໍ່ມອບໂຊກ ໃນໂຄງການຂູດບັດຮັບໂຊກແຈກໄປແລ້ວລວມມີ: ໂທລະສັບ Samsung Galaxy S10 ຈໍານວນ 4 ໜ່ວຍ, ໂທລະສັບ Samsung Galaxy A31 ຈໍານວນ 57ໜ່ວຍ, Samsung Galaxy Note 20ຈຳນວນ1ໜ່ວຍ, SamSung Galaxy S20 Plusຈຳນວນ 5ໜ່ວຍ, Iphone 12 pro Maxຈຳນວນ 1ເຄື່ອງ, ລົດຈັກ Honda Wave 100S ຈໍານວນ 16 ຄັນ, Honda Zoomer X ຈຳນວນ 4ຄັນ, HONDA PCXຈຳນວນ 3ຄັນ, ລົດກະບະ Revo ຈຳນວນ 1 ຄັນ ພ້ອມກັບຫລາກກ່ວາ 1,000 ລາງວັນ ມູນຄ່າໂທຟຣີ ແລະ ດາຕ້າເນັດຟຣີເຂົ້າໃນບັນຊີຂອງລູກຄ້າ.
ຕາງໜ້າ ຢູນີເທວ ຂໍສະແດງຄວາມຂອບໃຈຮູ້ບຸນຄຸນຢ່າງຈິງໃຈ ໂດຍຜ່ານການຕອບແທນຄືນກໍາໄລການໃຫ້ໂປໂມຊັນເນື່ອງໃນໂອກາດງານພິເສດເທດສະການຕ່າງໆແລະ ຈະບໍ່ຢຸດທີ່ຈະພັດນະທະນາການບໍລິການຂອງຢູນີເທວ ໂດຍຖືເອົາຄວາມຄິດເຫັນເປັນໃຈກາງໃນການປັບປຸງບໍລິການໃຫ້ມີຄວາມສະດວກສະບາຍຄຸ້ມຄາ ແລະ ສ້າງຜົນປະໂຫຍດສູ່ສັງຄົມໃຫ້ໄດ້ຫລາຍທີ່ສຸດ.
