ລັດຖະບານຢີ່ປຸ່ນ ສືບຕໍ່ໃຫ້ການຊ່ວຍເຫລືອຂະຫຍາຍລະບົບນໍ້າປະປາ ເມືອງທ່າແຂກ

ແຫລ່ງຂ່າວແຂວງຄຳມ່ວນ ລາຍງານວ່າ: ລັດຖະບານຢີ່ປຸ່ນ ໄດ້ອະນຸມັດງົບປະມານຕື່ມອີກຫລາຍກ່ວາ 11,7 ຕື້ກີບ ເພື່ອສືບຕໍ່ຂະຫຍາຍລະບົບນໍ້າປະປາເມືອງທ່າແຂກ ແຂວງຄໍາມ່ວນ, ໂດຍຜ່ານອົງການຮ່ວມມືສາກົນແຫ່ງປະເທດ ຢີ່ປຸ່ນ (JICA).

ໂຄງການພັດທະນໍ້າປະປາເມືອງທ່າແຂກ ແມ່ນໂຄງການ ຊ່ວຍເຫລືອຂອງລັດຖະບານຢີ່ປຸ່ນລວມມີມູນຄ່າທັງຫມົດ 1.643 ລ້ານເຢັນ,ປະມານ 16 ລ້ານໂດລາສະ ຫະລັດ, ຊຶ່ງມີການກໍ່ສ້າງໂຮງງານຜະລິດນໍ້າປະປາ15.000 ແມັດກ້ອນ/ວັນປລະ ວາງລະບົບທໍ່ສົ່ງຍາວ 15.000 ແມັດ, ທີ່ສໍາເລັດລົງແລ້ວເມື່ອປີ 2016.

ສ່ວນລັດຖະບານລາວ ໄດ້ສົມທົບທຶນສົມທົນວາງລະ ບົບທໍ່ສົ່ງ ແລະ ທໍ່ແຈກໃນ 8 ເສັ້ນ ທາງຂອງຕົວເມືອງຍາວ 35.000 ແມັດ ເພື່ອຮັບປະກັນການສະຫນອງນໍ້າສະອາດໃຫ້ປະຊາບົນຈຳນວນ 15 ບ້ານ ໃນເທສະບານເມືອງດັ່ງກ່າວທີ່ໄດ້ສໍາເລັດລົງໃນປີ 2020. ແຕ່ຍັງເຫັນວ່າການສະຫນອງນໍ້າດັ່ງກ່າວຍັງບໍ່ພຽງພໍ,ອົງການ (JICA) ຈິ່ງໄດ້ປະເມີນຄືນແລະ ໄດ້ຂໍງົບການຊ່ວຍເຫລືອຈາກລັດຖະບານຍີປຸ່ນຕື່ມອີກເພື່ອຈັດຊື້ອຸປະກອນຂະຫຍາຍລະບົບທໍ່ສົ່ງຕື່ມອີກ. ສ່ວນແຂວງ ຄໍາມ່ວນ ຮັບຜິດຊອບສົມທົບທຶນຕື່ມອີກ ຈຳນວນ 3,8 ຕື້ກວ່າກີບ  ເພື່ອກະກຽມຄວາມພ້ອມໃຫ້ແກ່ການກໍ່ສ້າງໃຫ້ສໍາພາຍໃນໄລຍະດວລາ 18 ເດືອນ,ນັບແຕ່ຕົ້ນປີ 2022 ເປັນຕົ້ນໄປ.