ຮອງນາຍົກ ຮຽກຮ້ອງພັດທະນາລະບົບສະຖິຕິຂອງປະເທດໃຫ້ກ້າວໜ້າ

ໃນໂອກາດເຂົ້າຮ່ວມກອງປະຊຸມສະຖິຕິທົ່ວປະເທດປະຈຳປີ 2021 ໃນວັນທີ 20 ທັນວາ 2021, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ ໄດ້ເນັ້ນໃຫ້ບັນດາກະຊວງ, ອົງການທຽບເທົ່າ, ແຂວງ ແລະ ນະຄອນຫລວງວຽງຈັນ ທີ່ຮັບຜິດຊອບວຽກງານສະຖິຕິ ເອົາໃຈໃສ່ພັດທະນາລະບົບສະຖິຕິຂອງປະເທດໃຫ້ກ້າວໜ້າ ແລະ ປ່ຽນແປງໃໝ່ທີ່ທັນສະໄໝໂດຍການເລັ່ງໃສ່ປັບປຸງຄຸນນະພາບຂອງຂໍ້ມູນສະຖິຕິໃຫ້ຈະແຈ້ງ, ຖືກຕ້ອງກັບຄວາມເປັນຈິງ ທັນເວລາທັນສະພາບການ ແລະ ເນັ້ນໃຫ້ເອົາໃຈໃສ່ຊີ້ນຳນຳພາ, ຊຸກຍູ້ການປະຕິບັດໜ້າທີ່ວິຊາສະເພາະຂອງການຈັດຕັ້ງສະຖິຕິ ໃຫ້ເຂັ້ມແຂງດ້ານການຈັດຕັ້ງ ແລະ ວິຊາການ, ກຳນົດຄວາມຮັບຜິດຊອບໃຫ້ແຕ່ລະຂັ້ນຄຸ້ມຄອງໃຫ້ຈະແຈ້ງ ແລະ  ສ້າງກົນໄກການປະສານງານລະຫວ່າງການວາງແຜນ ແລະ ຄວາມຕ້ອງການດ້ານສະຖິຕິໃຫ້ສອດຄ່ອງເພື່ອຫລີກເວັ້ນການຜະລິດຂໍ້ມູນສະຖິຕິເຫລືອບໍ່ພໍກັບຄວາມຕ້ອງການຂອງການວາງແຜນແຕ່ລະລະດັບ, ປັບປຸງຄຸນນະພາບການຜະລິດຂໍ້ມູນໃຫ້ດີຂຶ້ນກວ່າເກົ່າ,ຮັບປະກັນການ ສ້າງຄວາມສາມາດ ແລະ ຄວາມພ້ອມຮັບມືກັບບັນດາສິ່ງທ້າທາຍຂອງເສດ ຖະກິດ-ສັງຄົມ ໃນປັດຈຸບັນ ກໍຄືຕໍ່ໜ້າເພື່ອອໍານວຍໃຫ້ການຫັນເປັນທັນສະໄໝ ແລະ ນະວັດຕະກໍາໃໝ່ ແລະ ຊຸກຍູ້ສົ່ງເສີມການມີສ່ວນຮ່ວມຂອງພາກເອກະຊົນ-ທຸລະກິດຕໍ່ການພັດທະນາວຽກງານສະຖິຕິແຕ່ລະຂັ້ນໃຫ້ເຂັ້ມແຂງດີຂຶ້ນ.