ແຣດຟອດ ພ້ອມຫນີ ແມນຢູ, 2 ທີມດັງພ້ອມດຶງຮ່ວມທີມ

ມາຄັສ ແຣດຟອດ  ກອງຫນ້າຄົນເກັ່ງຂອງ ແມນເຊສເຕີ ຢູໄນເຕັດ ຍອດທີມໃນອັງກິດ ພ້ອມລາທີມ ໂດຍມີ 2 ທີມຊັ້ນນຳຈາກທະວີບເອີຣົບພ້ອມດຶງໂຕໄປຮ່ວມທີມ.

ມາຄັສ ແຣດຟອດ ກອງຫນ້າຂອງແມນເຊສເຕີ ຢູໄນເຕັດ ທີມດັງແຫ່ງການແຂ່ງຂັນ ພຣີເມຍລີກ ອັງກິດ ຕົກເປັນຂ່າວວ່າພ້ອມລາທີມ ໂດຍມີ ບາເຊໂລນາ ສະໂມສອນຊັ້ນ ລາລີກາ ສະເປນ ແລະ ປາຣີສ ແຊັງ ແຊັກແມັງ ມະຫາອຳນາດລີກ ເອິງ ຝຣັ່ງ ພ້ອມເດີນຫນ້າທາບທາມໄປຮ່ວມທີມ.

ເປັນທີ່ເຂົ້າໃຈກັນວ່າ ມາຄັສ ແລດຟອດ ເຫລືອພັນທະໃນແມນຢູຈົນເຖິງສິ້ນສຸດລະດູການຫນ້າເທົ່ານັ້ນ ແລະ ຈົນເຖິງຕອນນີ້ ກໍຍັງບໍ່ມີການຂະຫຍາຍສັນຍາສະບັບໃຫມ່ອອກໄປແຕ່ຢ່າງໃດ ເຊິ່ງເຮັດໃຫ້ອະນາຄົດຂອງລາວກັບທີມເລີ່ມຢູ່ໃນຄວາມບໍ່ແນ່ນອນ ແລະ ດ້ວຍຜົນງານການຫລິ້ນທີ່ບໍ່ດີປານສດ ຫລັງເຊົາເຈັບກັບມາຮອບນີ້ ຕະຫລອດຈົນທີມມີຜູ້ຫລິ້ນໃນກອງຫນ້າຫລາຍຄົນ ຈຶ່ງເລີ່ມສົ່ງຜົນຕໍ່ໂອກາດການລົງຫລິ້ນຂອງລາວ ນັ້ນເຮັດໃຫ້ນັກເຕະອາຍຸ 24 ປີ ສົນໃຈຍ້າຍອອກຈາກທີມ.