ການລົງທຶນໃສ່ສຸຂະພາບຈະເລີນພັນ ແລະ ການປົກປ້ອງແຮງງານເພດຍິງແມ່ນສິ່ງຈໍາເປັນເພື່ອຟື້ນຟູຂະແໜງການຕັດຫຍິບ ແລະ ການທ່ອງທ່ຽວ

ກອງປະຊຸມເພື່ອສົນທະນາກ່ຽວກັບການຮ່ວມມືກັບພາກເອກະຊົນ, ເພື່ອສົ່ງເສີມການເຂົ້າເຖິງຂໍ້ມູນຂ່າວສານ ແລະ ການບໍລິການສຸຂະພາບການຈະເລີນພັນ ແລະ ສຸຂະພາບທາງເພດຂອງແຮງງານໃນໂຮງງານທີ່ຈັດຂຶ້ນໃນວັນທີ 9 ທັນວາ 2021 ທີ່ນະຄອນຫລວງວຽງຈັນ ໂດຍການເປັນປະທານຮ່ວມລະຫວ່າງອົງການສະຫະປະຊາຊາດກອງທຶນປະຊາກອນ (UNFPA) ແລະ ສະຫະພັນແມ່ຍິງລາວນະຄອນຫລວງວຽງຈັນ ແລະ ມີຜູ້ຕາງໜ້າຈາກກະຊວງສາທາລະນະສຸກ, ອົງການຊາວໜຸ່ມ, ສະ ຫະພັນກຳມະບານລາວ, ແນວລາວສ້າງຊາດ ແລະ ສູນໄວໜຸ່ມນະຄອນຫວງວຽງຈັນ (VYC)ເຂົ້າຮ່ວມ ໄດ້ເນັ້ການເພີ່ມທະວີການລົງທຶນເຂົ້າໃນໂຄງການບໍລິການແບບເປັນມິດກັບເຍົາວະຊົນ ແລະ ໄວໜຸ່ມ (AYFS) ສົມທົບກັບການປ້ອງກັນ ແລະ ແກ້ໄຂພະຍາດໂຄວິດ-19 ໂດຍເປັນຄູ່ຮວ່ມງານກັບພາກເອກະຊົນ ເພື່ອຮັບປະກັນໃຫ້ແຮງງານໃນໂຮງງານປອດໄພ, ມີສຸຂະ ພາບແຂງແຮງ ແລະ ສາມາດເຮັດວຽກໃນຂະແໜງການ.

ທ່ານນາງ ດາໄລວັນ ແກ້ວນະຄອນ ຮອງປະທານສະຫະພັນແມ່ຍິງລາວນະຄອນຫລວງວຽງຈັນ ໃຫ້ຮູ້ວ່າ: ສະຫະພັນແມ່ ຍິງລາວນະຄອນຫລວງວຽງຈັນ ໄດ້ດຳເນີນງານເພື່ອຮັບປະກັນໃຫ້ແມ່ຍິງ ແລະ ເດັກຍິງ ອາຍຸລະຫວ່າງ 15–24 ປີ ໄດ້ຮັບຂໍ້ມູນຂ່າວສານ ແລະ ການບໍລິການສຸຂະພາບທາງເພດ ແລະ ສຸຂະພາບຈະເລີນພັນທີ່ເປັນມິດກັບໄວໜຸ່ມໂດຍຜ່ານໜ່ວຍງານເຄື່ອນທີ່ ແລະ ສື່ສັງຄົມ, ການບໍລິການໃຫ້ຄຳປຶກສາຜ່ານສາຍດ່ວນ 1361 ແລະ 137, ສືບຕໍ່ໃຫ້ບໍລິການຢູ່ຄລີນິກໄວໜຸ່ມນະ ຄອນຫລວງວຽງຈັນ ຊຶ່ງຜ່ານມາເຖິງວ່າໄດ້ມີຄວາມພະຍາຍາມ, ແຕ່ກໍຍັງມີສິ່ງທ້າທາຍເພື່ອໃຫ້ແມ່ຍິງ, ເດັກຍິງ ແລະ ຊາວໜຸ່ມທຸກຄົນສາມາດເຂົ້າເຖິງຂໍ້ມູນຂ່າວສານ ແລະ ການບໍລິການໄດ້ຢ່າງທົ່ວເຖິງ.“ແມ່ຍິງ ແລະ ເດັກຍິງຫຼາຍຄົນຍັງບໍ່ທັນເຂົ້າເຖິງຂໍ້ມູນຂ່າວສານ ແລະ ການບໍລິການທີ່ສາມາດປົກປ້ອງພວກເຂົາໄດ້. ໃນໄລຍະການລະບາດຂອງພະຍາດໂຄວິດ-19, ແຮງງານເພດຍິງໃນໂຮງງານແມ່ນກຸ່ມທີ່ມີຄວາມສ່ຽງສູງ, ພວກເຮົາຕ້ອງຊອກຫາວິທີທາງເພື່ອເຂົ້າເຖິງ ແລະ ຕອບສະໜອງຕາມຄວາມຕ້ອງການຂອງແມ່ຍິງ ແລະ ເດັກຍິງດ້ວຍຂໍ້ມູນຂ່າວສານ ແລະການບໍລິການ ສຸຂະພາບທາງເພດ ແລະ ສຸຂະພາບຈະເລີນພັນ. ”

ທ່ານນາງ ມາຣຽມ ເອ ຄານ ຜູ້ຕາງໜ້າອົງການ UNFPA ປະຈຳ ສປປ ລາວ ຮັບຮູ້ເຖິງຄວາມຄວາມພະຍາຍາມຂອງ ສຍລ ແລະ VYC ໃນການລວມເອົາຮູບແບບດິຈິຕອນເພື່ອສືບຕໍ່ການບໍລິການ ສຸຂະພາບທາງເພດ ແລະ ສຸຂະພາບຈະເລີນພັນໃຫ້ແກ່ໄວໜຸ່ມໃນໄລຍະການລະບາດຂອງພະຍາດໂຄວິດ-19 “ຜົນກະທົບຂອງພະຍາດໂຄວິດ-19 ລວມມີການເພີ່ມຂື້ນຂອງການຖືພາທີ່ບໍ່ໄດ້ວາງແຜນໄວ້ ແລະການເພີ່ມຂື້ນຂອງການລຸລູກ ແລະ ລູກຕາຍໃນທ້ອງແມ່ໂດຍສະເພາະໃນແມ່ຍິງໄວໜຸ່ມ. ຂະນະທີ່ຂໍ້ມູນຂອງກະຊວງສາທາລະນະສຸກ ກໍສະແດງໃຫ້ເຫັນກຸ່ມທີ່ໃຫຍ່ທີ່ສຸດຂອງການຕິດເຊື້ອໂຄວິດ-19 ແມ່ນໃນບັນດາແຮງງານໜຸ່ມຂອງໂຮງງານຕ່າງໆ” .ແນວໃດກໍດີເພື່ອແກ້ໄຂບັນຫາເຫລົ່ານີ້, ຮຽກຮ້ອງໃຫ້ມີການຮ່ວມມືກັບພາກເອກະຊົນໂດການລົງທຶນໃສ່ດ້ານສະຫວັດດີພາຍຂອງແຮງງານເພດຍິງດ້ວຍການຮັບປະກັນໃຫ້ມີຂໍ້ມູນຂ່າວສານແລະການບໍລິການສຸຂະພາບທີ່ມີຄຸນນະພາບ, ເຄື່ອງມືທີ່ມີນະວັດຕະກໍາ ເຊັ່ນ: ສາຍດ່ວນແລະ ສາຍດ່ວຍຊ່ວຍເຫລືອດ້ານສຸຂະພາບ. ການປົກປ້ອງໄວໜຸ່ມເພດຍິງ, ພະນັກງານມີສຸຂະພາບແຂງແຮງດີ, ໃນທາງກັບປັນການປົກປ້ອງຄວາມສາມາດໃນການດຳເນີນງານຂອງໂຮງງານ ແລະ ອຳນວຍຄວາມສະດວກໃຫ້ແກ່ການຟື້ນຟູເສດຖະກິດຂອງ ສປປ ລາວ.”
ຜູ້ຕາງໜ້າອົງການ UNFPA ປະຈຳ ສປປ ລາວ ກ່າວຕື່ມວ່າ: ຈໍາເປັນຕ້ອງເພີ່ມທະວີການເຂົ້າເຖິງຂໍ້ມູນຂ່າວສານແລະການບໍລິການທີ່ເປັນມິດກັບໄວໜຸ່ມ ລວມທັງການປ້ອງກັນພະຍາດໂຄວິດ-19 ໂດຍພາຍໃຕ້ການນໍາພາຂອງສຍລ ແລະ ຈາກການຮ່ວມມືກັບພາກເອກະຊົນ. ຊາວໜຸ່ມທີ່ມີອາຍຸຕ່ຳກວ່າ 24 ປີ ເກືອບເຄິ່ງໜຶ່ງຂອງປະຊາກອນທັງໝົດຂອງລາວ, ການລົງທຶນ ແລະ ການປົກປ້ອງໄວໜຸ່ມສາມາດໃຫ້ເງິນປັນຜົນດ້ານປະຊາກອນ ເຊັ່ນ: ການເຕີບໂຕດ້ານເສດຖະກິດແບບເລັ່ງລັດ. ເນື່ອງຈາກພະຍາດໂຄວິດ-19 ໄດ້ສົ່ງຜົນກະທົບທາງລົບຕໍ່ສຸຂະພາບ ແລະ ສະຫວັດດີພາບຂອງໄວໜຸ່ມ ຊຶ່ງໃນນັ້ນແມ່ຍິງໄວໜຸ່ມໄດ້ຮັບຜົນກະທົບຫລາຍທີ່ສຸດ ດັ່ງເຫັນໄດ້ຈາກການຖືພາທີ່ບໍ່ໄດ້ວາງແຜນເພີ່ມຂຶ້ນ ແລະ ພະຍາດຕິດຕໍ່ທາງເພດສຳພັນ ແລະ ການຕິດເຊື້ອ HIV ຫລາຍຂຶ້ນ. ໄວໜຸ່ມແມ່ນກຳລັງແຮງງານສ່ວນໃຫຍ່ໃນ 2 ຂະແໜງການ ເຊັ່ນ: ຂະແໜງການຕັດຫຍິບ ແລະ ຂະແໜງການທ່ອງທ່ຽວ. ການລົງທຶນໃສ່ໄວໜຸ່ມເຫລົ່ານີ້ແມ່ນການລົງທຶນໃສ່ການຟື້ນຕົວຂອງຂະແໜງການທ່ອງທ່ຽວ ແລະ ຂະແໜງການຕັດຫຍິບ.

ອົງການ UNFPAປະຈຳ ສປປ ລາວ ໄດ້ສະໜັບສະໜູນລັດຖະບານໃນການຈັດຕັ້ງປະຕິບັດໂຄງການ AYFS ແຫ່ງຊາດ ເພື່ອສ້າງຄວາມເຂັ້ມແຂງຂອງລະບົບ ແລະ ຄຸນນະພາບຂອງການບໍລິການທີ່ເປັນມິດກັບໄວໜຸ່ມສໍາລັບເຍົາວະຊົນ ແລະ ໄວໜຸ່ມ. ບັນດາໂຄງການດັ່ງກ່າວໄດ້ມີນະວັດຕະກໍາເພື່ອສະໜອງຂໍ້ມູນ ແລະການບໍລິການສຸຂະພາບທາງເພດ ແລະ ສຸຂະພາບຈະ ເລີນພັນຜ່ານສາຍດ່ວຍຊ່ວຍເຫຼືອດ້ານສຸຂະພາບ, ສາຍດ່ວນ, ແລະແອັບພລິເຄຊັນມືຖື Noi Yakhoo ເພື່ອຮັບປະກັນການບໍລິການຢ່າງຕໍ່ເນື່ອງຂອງຊ່ວງການລະບາດຂອງພະຍາດ.