ອານຸສອນ ໄດ້ພຽວທີ 7 ແລ່ນຂ້າມຮົ້ວລາຍການ ຟຣັງໂກໂຟນີ ທີ່ປະເທດໄອວໍຣີໂຄສ

ທ້າວ ອານຸສອນ ໄຊສາ ນັກກິລາແລ່ນ-ລານ ທີມຊາດ ລາວ ຊຸດເຂົ້າຮ່ວມງານມະຫະກຳ ກິລາຊີເກມ ຄັ້ງທີ 29 ຫຼື ກົວລາ ລຳເປີ ທີ່ປະເທດມາເລເຊຍ ຮັບ ກຽດເປັນເຈົ້າພາບ ຈະຈັດຂຶ້ນ ໃນໃນລະຫວ່າງວັນທີ 19-31 ສິງຫາ 2014 ສ້າງຜົນງານໄດ້ ພຽງອັນດັບທີ 7 ໃນນັດຊີງຫຼຽນ ຄຳກັບນັກກິລາ 7 ຄົນຈາກ ປະ ເທດຝຣັ່ງ, ແຄນາດາ, ເລບາ ນອນ, ບຸລຸນດີ ແລະ ໂຣມາເນຍ ໃນລາຍການແຂ່ງຂັນຟຣັງໂກໂຟນີ ຈັດຂຶ້ນທີ່ປະເທດໄອວໍຣີໂຄສ ລະຫວ່າງວັນທີ 21-30 ກໍລະກົດ 2017.
ຕາມການລາຍງານຂອງ ທ່ານ ປານິດ ພະນາວັນ ວິຊາ ການກົມພົວພັນຕ່າງປະເທດ ກະ ຊວງສຶກສາທິການ ແລະ ກິລາ ຜູ້ປະສານງານພົວພັນກິລາລາວ ຮ່ວມງານແຂ່ງຂັນກິລາແລ່ນ- ລານ ຟຣັງໂກໂຟນີ ທີ່ປະເທດ ໄອວໍຣີໂຄສ ແຈ້ງໃຫ້ຮູ້ວ່າ: ໃນທີ່ ສຸດພາລະກິດໃນການເຂົ້າຮ່ວມ ລາຍການແຂ່ງຂັນຟຣັງໂກໂຟນີ ຈັດຂຶ້ນທີ່ປະເທດໄອວໍຣີໂຄສ ລະ ຫວ່າງວັນ 21-30 ກໍລະກົດຜ່ານ ມາ. ນຳພາໂດຍ ທ່ານ ຄຳຜາຍ ສີສະຫວັນ ຮອງລັດຖະມົນຕີ ກະ ຊວງສຶກສາທິການ ແລະ ກິລາ ພ້ອມດ້ວຍຜູ້ຕິດຕາມຈາກກົມ ພົວພັນຕ່າງປະເທດ, ມີຄູເຝິກ 1 ຄົນ ແລະ ນັກກິລາແລ່ນ-ລານ ທີມຊາດລາວ ຈຳນວນ 2 ຄົນ, ຍິງ 1 ຄົນ ແລະ ຊາຍ 1 ຄົນ. ກໍຄື ທ້າວ ອານຸສອນ ໄຊສາ ນັກກິລາ ແລ່ນຂ້າມຮົ້ວ 110 ແມັດຊາຍ ແລະ ນາງ ມະນີວັນ ຈັນທະວົງ ນັກກິລາແລ່ນຂ້າມຮົ້ວ 100 ແມັດຍິງ ໄດ້ສຳເລັດລົງເປັນທີ່ ຮຽບຮ້ອຍ ເຊິ່ງງານນີ້ມີນັກກິລາ ຈາກ 53 ປະເທດ ທີ່ເປັນສະມາ ຊິກຂອງອົງການຟຣັງໂກໂຟນີ ຈາກ 3 ທະວີບ ໃນທົ່ວໂລກເຂົ້າ ຮ່ວມແຂ່ງຂັນປະກອບມີ: ທະວີເອ ເຊຍ, ທະວີບເອີຣົບ ແລະ ທະວີບ ອັບຟິກກາ ເຂົ້າຮ່ວມ. ຜ່ານການ ແຂ່ງຂັນຜົນປາກົດວ່າ ປະເພດ ແລ່ນຂ້າມຮົ້ວ 100 ແມັດຍິງ ນາງ ມະນີວັນ ຈັນທະວົງ ບໍ່ສາ ມາດຜ່ານຮອບຄັດເລືອກໄດ້ ສົ່ງ ຜົນໃຫ້ຕົກຮອບທຳອິດ ແຕ່ສິ່ງທີ່ ດີສາມາດທຳລາຍສະຖິຕິຂອງໂຕເອງ.
ສ່ວນປະເພດຊາຍ 110 ແມັດ ທ່າວ ອານຸສອນ ໄຊສາ ລົງສະໜາມໃນຊ່ອງທີ 7 ໃສ່ ໝາຍເລກ 609 ແລ່ນເຂົ້າເສັ້ນໄຊ ໄດ້ເປັນອັນດັບທີ 7 ຊະນະໄດ້ ພຽງ ໂຊເມ ໂຟລແຣນ ທິຊາ ນັກ ກິລາຈາກ ບຸລຸນດີ ສ່ວນອັນດັບ 1 ຕົກເປັນຂອງ ເຮີເກັນລາກ ຈາກ ຝຣັ່ງ, ອັນດັບ 2 ກາບາ ເຊກູ ແຄ ນາດາ ແລະ ອັນດັບ 3 ໂບໂລເນ ນິໂຄລັສ ຈາກ ຝຣັ່ງ.
ຂ່າວຈາກ:laosportnews.com.